Press Release Dated Serchhip, the 11th April, 2025

Serchhipah NH 02 siam mek chungchangah meeting nei

Dated Serchhip, the 11th April, 2025: Vawiin khan National Highway 02 tihzauh leh tihchangtlun chungchangah DC Meeting Hall Serchhip DC Pu Paul L.Khuma hova meeting neih a ni.
DC chuanNHIDCL leh a hnuaia contractor ten tha taka hna an thawh avangin lawmthu a hrilh a. Hna tam zawk thawh zawh tawh niin an hmabaka tih tur awmte pawh tha taka thawk turin a chah a ni.
Meetingah hian mipuite harsatna tawh chungchangte, contractor mawhphurhna leh harsatna sutkian dan tur chungchangte sawi niin, heng harsatna awmahte hian hmalakna awm tawhte leh hmalak chhunzawm dan turte pawh sawi a ni. Khawpui chhung cheimawina ni pahfawm atan khaw chhung hmun thumah Zebra crossing siam turin contractorte chu tih an ni bawk.
Meetingah hian Additional DC Pu Lalrinzuala, SDO(S) Pi Rebecca Laldinmawii Hrahsel, NHIDCL aiawhte leh an hnuaia contractor te an tel a ni.

Pr No. 119/2025 (SCP) Dated Serchhip 11th April, 2025
Issued by District Information and Public Relations Officer; Serchhip District, Serchhip.