Press Release Dated Serchhip, the 20th February, 2025

Serchhipah DC in sawhthing quintal 100 a vai liam

Dated Serchhip, the 20th February, 2025: Vawiin khan Serchhip DC Pu Paul L.Khuma, Serchhip District Agriculture Marketing Committee (DAMC) Chairman chuan Chhiahtlanga Secondary Collection Centre (SCC) a tlawh a. Loneitute thar chhuah sawhthing quintal 100 truck in a phurh chhuahte a vailiam a, Sairang panpui nghal a ni.
Serchhip District ah hian Secondary Collection Centre pasarih (7) a awm a. Heng SCC zawng zawngah hian vawiin atangin sawhthing lei tan nghal a ni a. DAMC ruat supervisor ten an bial SCC theuh an tlawh a, sawhthing truck in a phurh chhuah te hi an vailiam theuh bawk a ni.
Sawrkarin ruahmanna a siam angin Serchhip District ah hian thla khat chhungin sawhthing kg 5,25,000 lei a ni dawn a. Chumi senso tur atan Serchhip District tan Rs.2,62,50,000 a ruahman a. Farmer te bank account-ah Direct Benifit Transfer hmangin sawhthing leina pawisa hi thun zel a ni ang.
DC Pu Paul L khuma hi Serchhip District Agriculture Officer (DAO) Pu Lalchharliana, DAMC Member Secretary, Addl. DC Pu Lalrinzuala, SDO(S) Pi F. Lalnisai, SDC Dr. Marilyn Lalruatkimi te chuan an tawiawm a ni.

Pr No. 75/2025 (SCP) Dated Serchhip 20th February, 2025
Issued by District Information and Public Relations Officer; Serchhip District, Serchhip.