Press Release (Dated 8th January, 2025)
Serchhip District Beautification Committee thukhawm
Dated Serchhip, the 8th January, 2025: UD&PA Department bultuma ‘District Beautification Competition 2025’ neih tur atana inbuatsaih dan tur ngaihtuahin Vawiin khan Serchhip-ah District Bawrhsap Pu Paul L. Khuma hovin District Beautification Committee chu Serchhip DC Meeting Hall-ah an thukhawm.
Thutkhawm kaihruaitu District Bawrhsap Pu Paul L. Khuma chuan thuhma sawiin UD&PA Department chuan ‘District Beautification Competition 2025’ a buatsaih dawn thu a sawi a, hemi atan hian February 14, 2025-ah District hrang hrang ten presentation pein an ruahmanna te an entir dawn tih a sawi a. Hemi atan hian ruahmanna siam tur a nih thu sawiin, he thutkhawm a tel te chu tun atan mai ni lo, hun lo kal zel turah Serchhip chu khawpui mawi a nih theihna tura a eng zawnga ngaihtuahna seng turin a sawm a. Sawrkar department hrang hrang, tlawmngai pawlte leh mipuite chu he hmalakna thlawp a, theihtawp chhuahpui turin a sawm bawk a ni.
He thutkhawm ah hian SDC Dr. C. Vanlalchhanhimi chuan Serchhip khawpui chhung cheimawina atana ruahmnanna leh hmalakna tur hrang hrang an ruahman te chu kalkhawm te hmaah a lem nen a entir a, heng te hi thutkhawm a tel ten sawihoin hmalakna hmasa tura an duh hrang hrangte chu hma la tur leh ruahmanna kimchang siam turin mawhphurhna an insem nghal bawk a ni.
He thutkhawmah hian Addl. DC Pu Lalrinzuala, DUDO & Member Secretary Pu Gaston Vanlalhriatpuia, SDO (S) Pi F. Lalnisai, SDC Dr. C. Vanlalchhanhimi bakah sawrkar department leh tlawmngai pawl hrang hrang aiawh memberte an tel a ni.
Pr No. 6/2025 (SCP) Dated Serchhip 8th January, 2025
Issued by District Information and Public Relations Officer; Serchhip District, Serchhip.
