Press Release (Dated 11th December, 2024)

Serchhip DC hoin Serchhip Town Land Committee thukhawm

Dated Serchhip, the 11th December, 2024: Vawiin khan Serchhip Town Land Committee chu an Chairman Pu Paul L Khuma, Serchhip Bawrhsap hovin DC Meeting Hall-ah an thukhawm a, Kohhran leh mimal ram, Land Committee recommendation dilna te ngaihtuah ho a ni.
DC Pu Paul L Khuma chuan Serchhip khawpui hmasawn zel dan tur thlirin Town Planning-ah mipui vangtlana tana hmunhma dah hran reserve area te chu humhalha ven tlat a tul thu a sawi a. Hmasawnna hna thawktute leh mipui mimir pawhin ram chereu zel tur veng a, tui hna humhalh ngai pawimawh turin a chah a ni.
Meeting ah hian dilna 44 a lut a. Mimal House Pass dil 38 an awm a, Kohhran 2 in Land Lease 3 an dil a, sawrkar department 1 leh Village Council pakhatin Land Lease an dil bawk a. Heng dilnate ngaihtuah niin an pass te nen ngun taka thlirho a nih hnuah dilna 39 pawm a ni a. Dilna 5 hi chhan hrang hrang avangin hnawl a ni.
Vawiin meeting ah hian Settlement Officer Pu Gaston Vanlalhriatpuia bakah line department hrang hrang aiawh, NGO aiawh, Political party aiawh te an tel a ni.

Pr No. 290/2024 (SCP) Dated Serchhip 11th December, 2024
Issued by District Information and Public Relations Officer; Serchhip District, Serchhip.