Press Release (Dated 11th Oct 2024)

Serchhip QRT ten training nei

Dated Serchhip, the 11th October, 2024: Vawiin khan Serchhip District Quick Response Team (QRT) te chuan chhiatna a lo thlena hliam tuar te bawihsawm dan basic first aid training an nei a. Training hawnna inkhawm hi DC Office Meeting Hall ah neih niin Serchhip Additional DC Pu Lalrinzuala hovin hun an hmang a ni.

Hawnna inkhawm hi DM&R Nodal Officer Dr Marilyn Lalruatkimi’n a kaihruai a. District Organizer Pi Vanlalduhi Ralte chuan sawihawnna hun a hmang a. Training neih zawh hnu hian Additional DC Pu Lalrinzuala chuan training chhuak te hnenah lawmthu a sawi a ni.

Quick Response Team te hian nunna chhan nana thil pawimawh chi hrang hrang an zir zingah cardiopulmonary resuscitation (CPR) te, ruh tliak tuahrem leh themdawh dan te, chhiatrupna a lo thlena hliam tuar te nat dan a zira thliar leh enkawl dan te a tel a. Vawiin nilengin training hi District Hospital, Serchhipah an neih chhunzawm a ni.

Pr No. 216/2024 (SCP) Dated Serchhip 11th October, 2024
Issued by District Information and Public Relations Officer; Serchhip District, Serchhip.