Press Release (Dated 11th October, 2024)

Serchhipah Right to Information Week hawng

Dated Serchhip, the 11th October, 2024: Vawiin khan Serchhip DC Pisapui Hall-ah, Serchhip Additional DC Pu Lalrinzuala hovin Right to Information Week 2024 hawnna inkhawm neih a ni.

Pu Lalrinzuala chuan Right to Information Act chu langtlang sawrkar, sawrkar tha siam nana hmanraw tangkai tak a nih thu leh a nihna tur ang taka hman thiam inzirtirna kalpui a pawimawh thu a sawi a. RTI Act hnuai a zawhna chhan hna chu ngai pawimawh tur leh, phurritah ngai lo a, danin a phut ang ngei a hunbi tuk chhung ngei a chhang thin turin SPIO leh SAPIO-te a chah a ni. Sawrkar hnathawk te hian mipuite hi hna kan thawh chhan an ni a, RTI zawhna kan dawn te tha taka kan chhan hi mipui rawng kan bawlna a ni, Additional DC chuan a ti a. Mipuite pawh inthlahrung loin, an dikna chanvo a ni tih hria a, langtlang sawrkar, sawrkar tha kan neih theih nan RTI Act kaltlang hian an hriat duh apiang zawt thin turin a chah a ni.

RTI Week 2022 hawnna hunah hian Additional SP Pu Saidingliana Sailo chu Resource Person a ni a. RTI nihphung a to bul atanga sawifiahin mipui ten tangkai taka kan hman theih dan tur te, langtlang sawrkar neih theihna tura hmanraw pawimawh a nih dan te, mipui mimirin zawhna kan zawh theih dan kalphung te, SPIO leh SAPIO te mawhphurhna leh hremna dan awm thei te a sawi a. Sawrkar hnathawk, RTI zawhna dawngte chuan hunbi tiam chhunga chhanna pek ngai pawimawh turin leh a zawttute pawhin zawhna pawimawh leh awmze nei zawh nachang hriat a pawimawh thu a sawi a ni.

RTI chungchang zirhona neih hnu hian zawhna leh chhanna hun hman a ni a. Pi Lalnunmawii, DIPRO chuan lawmthu sawina neiin hun hnung a khar a ni.

Pr No. 215/2024 (SCP) Dated Serchhip 11th October, 2024
Issued by District Information and Public Relations Officer; Serchhip District, Serchhip.