Vantawng Khawhthla
Aizawl atanga Kilometer 137 vela awm, Vantawng Khawhthla hi Mizorama tuikhawhthla sang ber leh pui ber a ni a. He tuikhawhthla hi Thenzawl khaw dai lawk Vanva Lui, lui luang chak tak maia awm a ni a. A hming hi hmanlai tui hleuh thiam em em mai Vantawnga hming chawia phuah a ni nghe nghe. A tui thiamzia chu tui khawhthla karah pawh sangha ang maiin a awm thei an ti a ni. Amaherawhchu, vanduai thlak tak maiin chutianga tuikhawhthla kara a hleuh vel chu thing luang tui lenin a delh hlum ta hlauh mai a ni.
Vantawng Khawhthla hi feet 750 zet a sang niin, a bul vel kham chhengchhe tak avangin a bul thutah kal hleih theih a ni lo a, amaherawhchu a thlirna hmun nuam tak mai siam a ni thung.
Lakna: Tourism Department, GoM
Thlen dan tur:
Thlawhna-in
Airport hnai ber chu Lengpui Airport, Aizawl district-a awm a ni a, km 124.1 a hlaah a awm a ni.
Rél-in
Bairabi Railway Station hi station hnai ber a ni a, km 208.5 a hlaah a awm a ni.
Motor-in
Serchhip atangin Km 30 a hlaah awmin Aizawl atang chuan Km 137-a hla a ni thung.