Serchhip ah thlai thar Kut hman a ni

Vawiin hian Serchhip Bazarah Horticulture Department leh Agri & Horti Co-operative Society tangkawpten an buatsaih Thlai Thar Kut hman a ni a. A hawnna inkhawm tawi, Bazar Hall ah neih ah Dr. Elizabeth Saipari, Director, Horticulture Department chu khuallian a ni.

Serchhip Agri & Horti Society ah hian tunah chhungkaw 200 chuang an inziaklut tawh a, tun hnaiah TATA Trust NEIDA ten Tractor pahnih leh leilehna hmanrua pein, Cooperations lamin Truck lian leina Loana an pe a. Tin, an thlai chinna hmun Zawlpui tlawhtute tana chawlhbuk pahnih, pakhat Horticulture Department sak leh a dang anmahni Society sak a awm thar bawk. Society hian kumtin thlasik thlai chin dawnah an memberte hnenah bul tanna tur Loan an pukin an insemdarh thin a, an thlaite an thar rualin an rul ve leh mai thin. Tun season ah pawh hian hetiang atan hian Rs. 7 lakh zet an puk a, a tlangpuiin a tharchhuak tlem pawlin hapta tin Rs. 4000-5000 man an tharchhuak a, a thar tha pawlin hapta tin Rs. 20000 man vel an tharchhuak thei thin a ni.