Press Release Dated Serchhip, the 9th December, 2025

Serchhipah Mock drill neih dan tur rel

Dated Serchhip, the 9th December, 2025: Serchhip khaw chhungah January – March 2026 chhunga khuarel chhiatna leh rikrum thila inven dan tur zir lawkna Mock drill neih dan tur leh a hmun tur te relin Serchhip DDMA chu an Chairman Pu Paul L. khuma hoin an thu khawm.
Thutkhawmah hian February leh March chu naupang exam hunlai a nih thin avangin January 19-23, 2026 inkarah mock drill neih ni se tiin an rel a. Lirnghing leh Kangmei laka inven dan zir nan DEO chuan Serchhip khaw chhungah school pahnih, Thenzawl leh N Vanlaiphaiah school pakhat thlang chhuakin, a hun tur te ruat fel a ni ang. Govt Serchhip College ah chuan February chawlh kar hmasa berah Fire mock drill neih nise tia rel a ni a, March thlaah DIET Serchhipah neih ni se, an ti a. N. Vanlaiphai CHC ah Fire and emergency services huaihawtin February ah Fire Mock drill neih nise tia rel a ni bawk.
Meeting chuan Serchhip khaw chhungin kuminah leimin a tawrh nasat avangin landslide mock drill a remchan dan anga neih tha an ti a, ruahmanna siam a ni ang.
Vawiin meeting hi Addl DC Pu Lalrinzuala’n a kaihruai a. Chairman Pu Paul L Khuma chuan thutkhawm koh a nih chhan te sawiin ngaihtuah ho ngaite a sawifiah a ni.

Pr. No. 391/2025 (SCP) Dated Serchhip 9th December, 2025
Issued by District Information and Public Relations Officer; Serchhip District, Serchhip.