Press Release Dated Serchhip, the 7th August, 2025

Serchhip DC Pu Paul L Khuma’n hovin District Vigilance Committe on Fertilizer thukhawm

Dated Serchhip, the 7th August, 2025: Vawiin khan Serchhip DC Meeting Hall-ah District Vigilance Committe on Fertilizer chu an chairman Pu Paul L. Khuma hovin an thu khawm.
DC chuan District chhunga fertilizer te tha taka khuahkhirh a nih a, dan lova sumdawn nana hman a nih loh nan tanlak a tul thu a sawi a.
Fertilizer Inspector Pi V Lalhriatpuii chuan tunlai hian dan kalha fertilizer tawlhruk a tama, Myanmar ramah an la lut nasa nia hriat a ni a. Ramriah buaina a awm avangin Zokhawthar atanga kal lovin Serchhip paltlangin Siaha leh Lawngtlai kawng an zawh nasat avangin fimkhur a ngaih thu a sawi a. Kan District ah Fertilizer dealer panga an awm a, an allotment hmuh zawng zawng district chhunga a famers te hnena hralh tur an nih avangin hmun danga hralh chhuah hi dan kalh a nih thu a sawi.
Meeting hian Serchhip district kaltlanga dan loa leitha hralh a nih loh nan SP, Assam Riffles, BSF ten hma la turin an rel a. Dealer ten leitha an hralh dan endik tur leh an kudam te endik thin turin special squad din a ni a. Squad ah hian Fertilizer Inspector, AMFU aiawh, Taxation department aiawh leh Police aiawh te ruat an ni.
Meetingah hian Additional DC Pu Lalrinzuala, SP Pu Gavit Gogna, SDC Dr. C. Vanlalchhanhimi bakah BSF, AR, Horticulture Department, Taxation Department leh AMFU aiawhte an tel a ni.

Pr. No. 259/2025 (SCP) Dated Serchhip 7th August, 2025
Issued by District Information and Public Relations Officer; Serchhip District, Serchhip.