Press Release Dated Serchhip, the 6th January, 2026

Serchhip DC in Viksit Bharat Young Leaders Dialogue 2026 a tel turte a vai liam

Dated Serchhip, the 6th January, 2026: Serchhip DC Pu Paul L Khuma chuan vawiin khan Viksit Bharat Young Leaders Dialogue (VBYLD) 2026, ni 9 -12 January, 2026 chhunga Bharat Mandapam, New Delhi a neih tura Mizoram aiawha Serchhip district atanga tel tur thalai 16 vai liam.
DC chuan Viksit Bharat Young Leaders Dialogue, 2026 a kal turte thlahna hunah hian Serchhip District atanga tel turte chu an chanvo tur leh inpuahchahnate a sawipui a. Thalaite chuan sawrkarin hetiang ang hun remchang a siam sak avangin lawmawm a tih thu a sawi a. Midang nena inthian thatna leh inkungkaihna tha siam kawnga midang entawn ni turin a fuih a. Tluang taka hun hmang tura duhsakna hlanin a vai liam a ni.
He hunah hian Govt Serchhip College Principal Pu C. Laldintluanga leh Associate Professor Pu K. Lalrinchhana, Govt Serchhip College-a Phunchawng Cultural Club incharge te an tel a. Thalai mi 16 te hi My Bharat (Mera Yuva Bharat) member te an ni a.

Pr. No. 1/2026 (SCP) Dated Serchhip 6th January, 2026
Issued by District Information and Public Relations Officer; Serchhip District, Serchhip.