Press Release Dated Serchhip, the 6th August, 2025

Serchhipah ILP endik dan tur rel

Dated Serchhip, the 6th August, 2025: Vawiin khan Serchhip DC Pu Paul L Khuma hoin Serchhip DC Meeting Hall-ah Inner Line Permit (ILP) endik dan tur thuneituten an rel.
Vawiin meeting-ah hian Serchhip Sub-Headquarters YMA te nena tangkawpin ILP endik runpui neih thin ni se, a hun leh hmun tur tarlang lawk lovin ruahmanna siam thin ni se, thlatin ILP endik tura fehchhuah thin ni se tiin an rel a. August thla chhung hian a thawhkhatna atan YMA Branch tinah ILP endik a fehchhuah nghal an rel a ni.
Kum 2025 chhung hian Serchhip Police te chuan ILP endikin tum 10 an thawk chhuak tawh a, mi 364 te permit an endik a, dan bawhchhia mi 14 an hmuchhuak a, hremna an pe a ni.
Vawiin meeting-ah hian Serchhip SP Pu Gavit Gogna, Serchhip Town Joint VC Chairman, Serchhip Sub-Headquarters YMA President leh sawrkar official te an tel a ni.

Pr. No. 255/2025 (SCP) Dated Serchhip 6th August, 2025
Issued by District Information and Public Relations Officer; Serchhip District, Serchhip.