Press Release Dated Serchhip, the 3rd March, 2025

Serchhip DC hoin Adolescence Education Programme chungchang sawiho

Dated Serchhip, the 3rd March, 2025: Adolescence Education Programme (AEP) kaihhnawiha Serchhip District chhunga school teacher te training pek dan tur ngaihtuahin vawiin khan Serchhip DC Pu Paul L Khuma hoin Serchhip DC meeting hall ah mi pawimawhte an thukhawm.
Vawiin meeting ah hian training neihna tur hmun leh hun chungchang te sawiho a ni a. Serchhip District chhunga AEP la neih lohna school 26 te chungchang sawiin heng school ah te hian Adolescence Education Programme kalpui a nih theih nan ruahmanna siam a ni.
Adolescence Education Programme (AEP) as sawrkar laipui Ministry of Human Resource Development (MHRD), Govt. of India chuan kum 2005 khan a kalpui tan a. Mizoramah chuan SCERT kaltlangin State AIDS Control Society te nena thawk hoin he programme hi kalpui a ni. AEP thil tum zingah zirlai tleirawl leh rawlthar ten rilru hrisel an neih theihna tura an kum leh rilru puthmang mila kaihhruai te, an nuna thil thleng an hmachhawn theihna tura thiam pek te a tel a ni.
Meeting-ah hian Additional DC Pu Lalrinzuala; Principal, DIET Serchhip; District Education Officer; Sub-Divisional Education Officer; Medical Officer, OSTC District Hospital; Counsellor, ARTC District Hospital leh mi pawimawh dang te an tel a ni.

Pr No. 85/2025 (SCP) Dated Serchhip 3rd March, 2025
Issued by District Information and Public Relations Officer; Serchhip District, Serchhip.