Press Release Dated Serchhip, the 3rd July, 2025

Serchhipah DMCAE thukhawm

Dated Serchhip, the 3rd July, 2025: Vawiin chawhnu khan District Election Officer Pu Pual L Khuma, Serchhip DC ni bawk hoin District Monitoring Committee on Accessible Election(DMCAE) Serchhip Pisapui Meeting Hall ah kumina a vawikhatna atan an thukhawm.
DC Pu Paul L Khuma chuan mi tin ban phak leh huapzo inthlan neih a nih theih nan Election Commission of India chuan pianphunga rualbanlote a ngai pawimawh em em a; Person with Disabilities (with above 40% disability) ten awlsam taka vote an thlak ve theihna tur ngaihtuah tur hian DMCAE hi din a ni, a ti.
DMCAE meeting vawikhatna a nih avangin Election Officer Pi Lalchhanhimi chuan member te mawhphurhna leh Committee din chhan te a sawifiah a. PwD zing atangin District Icon ruat a tul thu te, rualbanlote tana vote thlak dan ruahmanna an lo siam tawhah tha tawk lo lai emaw hmasawn ngai lai a awm em tih te sawiho a ni a. Awareness campaign leh workshop te pawh kalpui a nih tur thu sawi lan a ni bawk.
Vawiin meetingah hian I&PR, PWD, Social Welfare, Samagra Siksha aiawh official te bakah tlawmngai pawl te an tel a ni.

Pr No. 207/2025 (SCP) Dated Serchhip 3rd July, 2025
Issued by District Information and Public Relations Officer; Serchhip District, Serchhip.