Press Release Dated Serchhip, the 2nd April, 2026

Serchhip DLC on Model Solar Village in Buangpui khaw tana project siam an pawm

Dated Serchhip, the 2nd April, 2026: Pradhan Mantri Surya Ghar Muft Bijli Yojana (PM-SGMBY) hnuaia hmalakna chungchangah vawiin khan Pu Paul L Khuma hoin District Level Committee on Model Solar Village chu DC Office Chamber-ah an thukhawm.

PM-SGMBY model solar village atan Buangpui khua chu thlan fel a lo ni tawh a. Vawiin meeting ah ZEDA ten DPR an buatsaih chu thlirho a ni. DPR hi uluk taka zirho a nih hnuah committee chuan siamthat ngai lai te siamtha in lungrual takin an pawmpui a ni.

He project kaltlang hian Hybrid Solar PV chu Buangpui Community Hall leh Panchayat Office ah te vuah tum a ni a. Off Grid Solar Power Plant chu Self-Help Group Building pahnihah vuah tum a ni bawk. 7.5kWp a chak Solar Street Light engemaw zat Buangpui khuaah hian vuah a ni dawn a. Heng solar atanga an sum hmuh te hi Buangpui khua hian an khaw hmasawnna hna thawh nan an hmang tangkai thei dawn a ni.

DC Pu Paul L. Khuma chuan ZEDA team te leh Committee member te thahnemngai tak a thawk tur leh hmasawnna kawnga mipuite thil tha kawhhmuhtu ni tura fuihin an inpeknaah lawmthu a sawi a. Buangpui khaw hmasawnna leh boruak vawn thianghlimna kawnga an hmalaknaah theihtawp chhuahpui turin a sawm a ni.

Pr. No. 96/2026 (SCP) Dated Serchhip 2nd April, 2026
Issued by District Information and Public Relations Officer; Serchhip District, Serchhip.