Press Release Dated Serchhip, the 28th August, 2025

North Vanlaiphai leh Lungkawlha PMKSY hmalakna

Dated Serchhip, the 28th August, 2025: Vawiin khan Dr. Malsawmtluanga Fanchun, Project Director hovin DRDO Serchhip official-te chuan North Vanlaiphai leh Lungkawlha PMKSY hmalakna kal mekte an enfiah.
Pradhan Mantri Krishi Sanchayee Yojana (PMKSY) hnuaiah hian North Vanlaiphai leh Lungkawlh khuaah te hian project kalpui mek a ni a. Heng khaw pahnihah hian PMKSY hnuaiah rainbow rooster ar note leh a chaw pek an ni bawk.
Lungkawlhah hian chhungkaw 20 hnenah zikhlum chi sem niin tunah hian a rah an seng tan mek a. A hmunah hian Kg khat Rs 40 in an hralh a, chawhrualin chhungkaw tin hian cheng nuai 2 man vel theuh lei theih an inbeisei a ni.
North Vanlaiphai-ah hian Project hnuaia Self Help Group ten food processing lam an kalpui a, anthur candy, khawmhma sweet, balhla tui etc an siam chhuak mek bawk a ni.
PMKSY project hnuaiah hian a tel duh nazawng tel a rem lova, project-in a huam chhung Zau-a huan-lo-ram nei chhungkuate chauh tel theih a ni.

Pr. No. 283/2025 (SCP) Dated Serchhip 28th August, 2025
Issued by District Information and Public Relations Officer; Serchhip District, Serchhip.