Press Release Dated Serchhip, the 27th August, 2025

Serchhipah NCORD Meeting neih a ni

Dated Serchhip, the 27th August, 2025: Serchhip District NCORD meeting vawi 17-na chu vawiin khan Bawrhsap Pu Paul L. Khuma hoin DC Meeting Hall ah neih a ni a. NCORD meeting hmasaa thurel bawhzuina te thir let a ni.
Pu Gavit Gogna, SP Serchhip chuan meeting hnuhnung bera thurel bawhzuia Police ten Awareness Campaign an neih thu leh meeting inkarah ruhhlo man an neih loh thu a sawi a. Assam Rifle te nen ramri dep khuaah Joint Patrolling tum hnih an neih thu a sawi bawk.
Meeting-ah hian Medical department, Excise, Education, Agriculture, Forest, Assam Rifle, Police leh YMA aiawh te telin, an department huamchhung theuha ruihhlo dona kawnga an hmalakna te ngaithlak a ni a. Excise department atangin meeting leh meeting inkarah case pahnih siam a nih thu leh mi pahnih man an nih thu ngaithlak a ni bawk.
Serchhip district chhungah tunhnaiah ruihhlo a van thu leh hmun dang atanga rawn lut a tlem thu member te hian an sawi bawk.
Member kalkhawmte hian ruihhlo dona kawnga thawhho dan tha zawk leh hlawk zawk a awm theih dan tur sawi hoin, thu pawimawh inhrilh tawn te, a huhoa thawhchhuah leh tanrual dan tur te an sawi ho bawk.
DC chuan memberte chu ruihhlo dona kawngah tha thlah lo tur leh tangrual tura ngenin, ruihhlo ti thinte pawh fel taka chhinchhiah a, vil zui tur leh, khawi atanga ruihhlo chu lo kal nge tih te pawh uluk taka chhui zui turin a hrilh a ni.

Pr. No. 279/2025 (SCP) Dated Serchhip 27th August, 2025
Issued by District Information and Public Relations Officer; Serchhip District, Serchhip.