Press Release Dated Serchhip, the 26th August, 2025

Serchhipah ngawrh lehzuala ruihhlo do dan tur rel

Dated Serchhip, the 26th August, 2025: Vawiin khan Serchhip DC Meeting Hall-ah Bawrhsap Pu Paul L Khuma hoin District Level Committee on Nasha Mukt Bharat Abhiyan member te an thukhawm.
He meeting-ah hian Nasha Mukt Bharat Abhiyan hnuaia hmalakna hrang hrang sawi ho niin, hmalak leh zel dan tur an rel a. Ngawrh lehzuala ruihhlo do a nih theih nana hmalak dan tur ngaihtuah ho niin, rawtna hrang hrang an sawiho a. Tlawmngai pawl te hmalakna piahlamah Police, Excise, Legal Services Authority te thawhhona tha a pawimawh thu sawiin India Danpui behchhana hma la zel tur leh a la ti ve ngai lo ten an tih ve lohna tura inzirtirna program pawh a tam thei ang ber neih ni se, tiin an rel.
Meeting-a kal khawmte hian rawtna thar an thawhkhawm te DC Office ah kumin September ni 5 ral hmaa thehluh ni se, an ti a. He an rawtna thawhkhawm behchhan hian hmalak zui dan tur Action Plan duan a ni anga, chu chu a taka kalpui tum a ni.
Vawiin meeting-ah hian Kohhran hruaitute, Sub hqrs YMA hruaitute, police te, Education Department te, Joint Village Council te, Sport Association hruaitute leh sawm bik te an tel a ni.

Pr. No. 277/2025 (SCP) Dated Serchhip 26th August, 2025
Issued by District Information and Public Relations Officer; Serchhip District, Serchhip.