Press Release Dated Serchhip, the 25th September, 2025

Serchhip District-a Bana Kaih progress partner-te hmalakna sawiho

Dated Serchhip, the 25th September, 2025: Vawiin khan The Mizoram Bana Kaih (Hand Holding) Scheme, Serchhip District chhunga vil zuitu Monitoring Committee chu Serchhip DC Pu L Khuma hovin DC Meeting Room ah an thukhawm.
Vawiin meeting ah hian Agriculture, AH & Vety, Commerce & Industries, Fisheries, Horticulture, Land Resources Soil & Water Conservation, Sericulture, UD&PA department aiawh official te an tel a. An department kaltlanga Hand Holding leh CM Special Package hnuaia progress partner an vil zui dan leh dinhmun tlangpuite an sawifiah a ni.
Official te hian powerpoint hmangin presentation an pe a. Sawrkarin Bana Kaih (Hand Holding) Scheme hnuaia progress partner te tih tur a bituk te an ti tha tawk em, he scheme hi an hmang tangkai em tih te leh an dil laia an dil chhan te a tak takin an kalpui em tih te Department tinin an endik a. Vawiin hian an hmuh dan te, harsatna awm thei te lej awm mek te, an mutan te leh progress partner te hnathawh dan te an report a ni.
Vawiin meeting ah hian Addl. DC Pu Lalrinzuala leh official dangte an tel a ni.

Pr. No. 316/2025 (SCP) Dated Serchhip 25th September, 2025
Issued by District Information and Public Relations Officer; Serchhip District, Serchhip