Press Release Dated Serchhip, the 24th February, 2026

Govt Serchhip College ah mock drill neih a ni
Dated Serchhip, the 24th February, 2026: Vawiin khan National Disaster Response Force (NDRF) kaihhruaiin Govt. Serchhip College ah earthquake (lirnghing) mock drill neih a ni a. Lirnghing a thlen thulha chet lak dan tur an zir a ni.

Mock Drill hi chawhnu dar 2 ah tan a ni a. Staging Area atan Serchhip DC Pisapui hman a ni a. Govt. Serchhip College Administrative building chu lirnghingin a sawichhia anga lemchan niin zirlai naupang te zingah hliam tuar te first aid pek an ni a; hliam na tak tuar te chu ambulance hmangin District Hospital-ah phurh phei an ni. NDRF te hian College tualzawlah Puan In kaihin makeshift hospital an siam a. District Hospital atangin medical mi thiam ten an buaipui a ni.

PHE department a thawktuten tui pipe chhia an siam a, Power & Electricity Department ten electric hruipui chhia an siam a. Fire Department ten fire tender thawhchhuah puiin kang an thelh bawk a ni.

Vawiin mock drill ah hian NDRF, Police, Fire & Emergency Services, BSF, Aapda Mitra, PHE, P&E, Health Department leh Govt Serchhip College zirlai leh zirtirtute an tel a ni.

Pr. No. 55/2026 (SCP) Dated Serchhip 24th February, 2026
Issued by District Information and Public Relations Officer; Serchhip District, Serchhip.