Press Release (Dated Serchhip, the 22nd July, 2025)

Serchhipah PM-DAJGUA kalpui dan thlirletna hun hmang

Dated Serchhip, the 22nd July, 2025: Vawiin khan Serchhip DC Pu Paul L Khuma hovin Serchhip DC Meeting Hall ah PM-DAJGUA kalpui dan thlirletna neih a ni.
He review meeting ah hian PM-DAJGUA kalpuitu Department hrang hrang – Rural Development, Health, Commerce& Industries, Women & Child Development, Agriculture, Supply, leh LAD ten Awareness campaign an kalpui dan an tarlang a. June ni 15 atanga July ni 15, thla khat chhungin Serchhip District khaw hrang hrangah kal kualin heng Department official te hian mipuite tangkaipui theih tur scheme leh hmalakna an neih te an hrilh hria a. Vawiin meeting-ah hian an hmalak dan leh DAJGUA avanga hmasawnna an neih te an report a ni.
DAJGUA Campaign an neih chhungin scheme hrang hranga inziaklut thar mi engmawzat an awm a. Mipui ten an hriat loh te hrilhhriatna hun an neih thu leh hlawk taka hun hman a nih thu Department hotute hian an sawi a. Scheme hrang hranga inhrilhhriatna saturation camp hi November thla thlenga la neih chhunzawm tur a nih avangin Department tin te an theih ang anga hma lo la chhunzawm tur te, an data leh thlalak te portal-a a hun taka upload zel tur leh, DC office ah kar tin report thehlut thin turin ngen an ni.

Pr No. 231/2025 (SCP) Dated Serchhip 22nd July, 2025
Issued by District Information and Public Relations Officer; Serchhip District, Serchhip.