Press Release Dated Serchhip, the 21st May, 2025

Serchhipah Circuit House leh General Pool Accomodation sak chungchang sawiho

Dated Serchhip, the 21st May, 2025: Serchhip khawpuiah Circuit House leh Sawrkar hnathawkte chenna tur General Pool Accomodation sak tura ruahmanna chak taka kalpui mek a ni a. Vawiin khan hemi chungchang ngaihtuah hian Serchhip DC Pu Paul L Khuma hoin mi pawimawhte Serchhip DC pisaah an thukhawm.

Mizoram sawrkar GAD chuan SASCI hnuaia Circuit House leh General Pool Accomodation sak hna viltu leh enzuitu monitoring group a siam tih sawiin, monitoring group te hnathawh dan tur pawh DC chuan meeting-ah hian a sawi a. Contractor te chu Serchhip District tana thawk an ni tih hria a theihtawp chhuah tur leh a tha thei ang bera hna thawk turin a ngen a ni.

Serchhipa Circuit House leh General Pool Accomodation sak hna hi thawh tan mek a ni tawh a. Contractor te hian bungrua lam khawm tawhin ban khur thenkhat an lai tan tawh a ni.

Vawiin meeting-ah hian a thawktu contractor te koh khawm niin, PWD aiawh te nen meeting neih a ni a. Pu C. Vanlalrindika, SDO, PWD chuan General Pool Accommodation leh Circuit House sak dan tur plan leh a endik (monitor) dan tur tehfung hrang hrang te powerpoint hmangin a tarlang a. Contractor/supervisor te hnathawh tawh chin te pawh tarlan a ni

Pr No. 168/2025 (SCP) Dated Serchhip 21st May, 2025
Issued by District Information and Public Relations Officer; Serchhip District, Serchhip.