Press Release Dated Serchhip, the 21st February, 2025

16th Finance Commission lo zin tur chungchangah Serchhip DC hovin meeting nei

Dated Serchhip, the 21st February, 2025: 16th Finance Commission ten Serchhip District an tlawh tur chungchangah vawiin khan Serchhip DC Pu Paul L Khuma hoin a pisaah meeting pawimawh tak neih a ni.
16th Finance Commission member te hi an Chairman hoin February 23 ah Mizoram an lo thleng dawn a. Aizawla meeting pawimawh an neih hnuah Thenzawl leh Serchhip khawpui panin February 25 hian an rawn chhuak dawn a. Vawiin meeting ah hian venhimna chungchang te, medical kaihhnawih te, anmahni lo dawnsawn dan tur leh hun hmanpui dan tur hrang hrang te an rel a ni.
Ruahmanna ang chuan Thenzawlah DC team ten lo dawngsawngin hmun pawimawh hrang hrang an fan kual pui a nga. Zanah an pualin zanriah Cultural Dinner buatsaih sak an ni dawn a. Thenzawlah zan riakin a tukah Serchhip atangin Lengpui an pan tawh dawn a ni.
Vawiin meeting ah hian State Protocol Officer Pu Lalmuansanga Ralte, Additional DC Pu Lalrinzuala, SDO (Sadar), District Medical Superintendent, DIPRO, Treasury Officer, Dy SP, Tourism aiawh leh mi pawimawh dangte an tel a ni.

Pr No. 76/2025 (SCP) Dated Serchhip 21st February, 2025
Issued by District Information and Public Relations Officer; Serchhip District, Serchhip.