Press Release Dated Serchhip, the 21st August, 2025

Serchhip DC hoin PMFME chungchang sawiho

Dated Serchhip, the 21st August, 2025: Vawiin khan Serchhip DC Pu Paul L Khuma hovin PMFME chungchang sawihona Serchhip DC Meeting Hall ah neih a ni.
Pradhan Mantri Formalisation of Micro Food Processing Enterprises (PMFME) hi eitur kaihhnawih sawngbawlna micro food processing hmun siam duh leh siam mekten sum leh pai bakah thiamna (technology) leh sumdawn dan kalhmang (business assistance) an thiam theih nan sawrkar laipui Ministry of Food Processing Industries hnuaia scheme a ni a. Tun thlengin Serchhip District ah hian he scheme hnuaiah loan pekchhuah hriat a la ni lo a. Mahni kutkawih ngeia eizawn tum te tana scheme tha leh tangkai a nih avangin DC Pu Paul L Khuma chuan he scheme chungchang hi zau zawka inhrilhriat tul a tih thu a sawi.
He scheme kaltlanga hamthatna dawngtute hian cheng nuai 10 thleng 35% credit link subsidy an dawng thei a. Chumi awmzia chu an loan lak (cheng nuai 10 chin)-a a pung (interest) hi bank kalphung pangngaiin rulh phawt tur a ni a. An rulh zawhah loan rul tha te hnenah an loan atanga za zela 35 hi sawrkar chuan a pe let leh dawn a ni. He loan dil thei tur hian pawl riat (8) pass chin nih a ngai a. Udyam hnuaia inziaklut chhungkua ten loan pakhat zel an dil thei a ni. He loan dilna atana DPR chu District Resource Person ten an siampui dawn a ni. Self Help Group angin loan hi dil theih a ni bawk a. Member 3 aia tlem lo, 10 aia tam loh an nih a ngai thung.
Serchhip District ah hian loan lak tuma dil mek mi pali an awm a, Khumtungah pakhat awmin a bak pathum te North Vanlaiphai an ni.

Pr. No. 274/2025 (SCP) Dated Serchhip 21st August, 2025
Issued by District Information and Public Relations Officer; Serchhip District, Serchhip.