Press Release Dated Serchhip, the 1st June, 2025

Serchhip DC-in chhiat tawk chhungkua hnenah ex-gratia hlan

Dated Serchhip, the 1st June, 2025: Vawiin khan Serchhip DC Pu Paul L Khuma chuan Serchhip P&E Venga khuarel chhiatna avanga nunna chan Pu Ramzolura ralna (ex-gratia) leh leiminin an chenna in a tihchhiat tak vek avanga zangnadawmna sumfai chu Mizoram Sawrkar aiawhin a chhungte hnenah a hlan.
DC hian Pu Ramzolura ralna, Mizoram Sawrkarin State Disaster Relief Fund atanga a pek cheng nuai 4 leh in chhia (fully damaged) zangnadawmna Rs.1,30,000 hi a farnu Pi Zomuani hnenah a hlan a. Pi Zomuani te chhungkua hi BDO Rest House, P&E Vengah an cheng lailawk a. He an chen mekna hmunah hian ex-gratia hi a hlan a ni.
Ex-Gratia hlanna hunah hian Serchhip DC office atangin officer te bakah Project Director, DRDO leh I&PR official te an tel a ni.

Pr No. 185/2025 (SCP) Dated Serchhip 1st June, 2025
Issued by District Information and Public Relations Officer; Serchhip District, Serchhip.