Press Release Dated Serchhip, the 19th March, 2025

Serchhip DC Pu Paul L. Khuma’n MFA Inter District Junior Boys Football Championship 2025-25 bul a tanpui.

Dated Serchhip, the 19th March, 2025: Mizoram Football Association buatsaih Inter District Junior Boys Football Championship 2025-25 chu nizan khan Serchhip Kawnpui VC Hall-ah a hawnna hun buatsaih a ni a. Serchhip Bawrhsap Pu Paul L Khuma chu khuallian niin tournament hi a hawng a ni.

Championship Kick Off tu Pu Paul L. Khuma DC Serchhip chuan District hrang hrang atanga infiammi kalkhawmte chu sulhnu duhawm, chhinchhiah tlak hawn theuh turin a chah a. A hmun thlenga Player te tawiawm tu nu leh pa an awm chu lawmawm a tih thu sawiin, an inpekna a fakawm a ti a. Infiamna a ni emaw, zirna lam a ni emaw, nu leh pa te chu an fate hlawhtlina ah an pawimawh hle a ni, a ti.

Infiam mi kalkhawmte chu anmahni tana thalo ti lo hram hram turin a ngen a, zuk leh hmuam, ruihhlo laka inthiar fihlim turin a chah a, tuna an nawmna tur chu kalsan ngam in, nakin hunah a rah an la seng dawn a ni, a ti.

Khuallian hian SDFA hnenah tanpuina cheng sing li a hlan a ni.

Kick Off programme hi Pu Zomuana Hnamte President SFDA in a kaihruai a. Mizoram Football Association aiawh in Pu Lalrawngbawla Joint Secretary chuan thu a sawi a, Pu Zosangliana Asst. Secretary SDFA chuan inhmelhriattirna hun a hmang bawk.

Kick Off programme ah hian District Sport & Youth Officer leh Secretary ni bawk Dr Marilyn Lalruatkimi, Hmingthansanga Zadeng EM, MFA bakah Serchhip Photographers Association leh chanchinbu mite an tel a ni.

Pr No. 99/2025 (SCP) Dated Serchhip 19th March, 2025
Issued by District Information and Public Relations Officer; Serchhip District, Serchhip.