Press Release Dated Serchhip, the 19th December, 2025

Serchhip DC leh SELCO tangkawpin solar drier hlan

Dated Serchhip, the 19th December, 2025: Vawiin khan Pu F Lalrinthanga, Khawlailung hnenah Solar Drier hlan a ni a. Hlanna programme hi Khawlailung VCP Pu Sawihlira’n kaihhruaiin SDC Dr Marilyn Lalruatkimi’n hlanna hun a hmang a ni.
Solar tha chakna hmanga thlai tihrona Solar Drier hi DC Serchhip leh SELCO Foundation te tang kawp pek niin, a project cost hi Rs 1,41,200 a ni a. SELCO leh DC Office hian a senso za ah sawmnga (50%) ve ve an tum a ni.
He hun hi SDC Pu Vanthangpuia’n a hman pui a. SELCO Foundation aiawhin Pu Dominic Lalchhanchhuaha leh Pu Zorinpuia tên technical lam khawl hmandan tur, tih tur leh tih loh tur te inhrilhhriatna hun an hmang bawk a ni.

Pr. No. 396/2025 (SCP) Dated Serchhip 19th December, 2025
Issued by District Information and Public Relations Officer; Serchhip District, Serchhip.