Press Release (Dated Serchhip, the 15th July, 2025)

Serchhipah BLO te tan training buatsaih

Dated Serchhip, the 15th July, 2025: Vawiin khan Booth Level Officer te tana buatsaih National Level Training on Election chu Serchhipah neih tan a ni a. 26-Serchhip ST (AC) huamchhunga BLO te thupui hrang hrang hmanga zirtir niin hawnna inkhawm hi Serchhip DC Pu Paul L Khuma hovin Pisapui Hall-ah neih a ni.
Pu Paul L Khuma chuan inthlang ram kan nih angin election hi a pawimawh em em a, election dik leh felfai neih a nih theih na tura sawrkar kutke ber chu Booth Level Officer-te an ni, a ti. BLO te chu dan leh dun, inkaihhruaina leh election kaihhnawiha sawrkar thuchhuak te hre bel hle turin a chah a. Election hi a khirh a, a hremna pawh a na a; chuvangin mipui rawngbawlna atana an mawphurhna tha taka hlen tur chuan hna an thiam a, an hriat bel a ngai, a ti a. Vawiina training an neih tur pawh rilru leh tihtakzeta hun hmanga, thiamna leh hriatna thar hawn ngei turin DC chuan a fuih a ni.
BLO te tana training hi Election Officer Pi Lalchhanhimi chuan a kaihruai a. Thenzawl SDO (C) Pu K Lalhlimpuia’n thu a sawi a. 26-Serchhip ST (AC) Dr Marilyn Lalruatkimi bakah official dang ten kalkhawmte an zirtir a ni.

Pr No. 221/2025 (SCP) Dated Serchhip 15th July, 2025
Issued by District Information and Public Relations Officer; Serchhip District, Serchhip.