Press Release Dated Serchhip, the 15th January, 2025

Serchhip P&E Vengah hlawhtling takin mock drill nei

Dated Serchhip, the 15th January, 2025: Zanlaiah chhiatna a thlen thulha chetlak dan tur an thiam theih nan vawiin tlai dar 4:40 atanga tanin Serchhip P&E Vengah Mock Exercise neih a ni.
Mock Exercise neihna hmun hi kum 2025 furpuia Serchhip leimin nasa tak avanga in chim – Pu Malsawmtluanga in hmunah neih a ni a. Tun tum mock drill ah hian Concrete building chimah chhungkaw pahnih chuan chhiat an tawk a. Mi 2 an thi a, 10 in hliam an tuar a. Hliam tuar zinga 5 hi hliam na tak tuar lema changin ambulance hmanga Serchhip District Damdawi In panpui an ni.
Staging Area – Leisekawt Field atangin hmanraw mamawh te rang taka lak khawm leh mawhphurtute tirhchhuah an ni a. Quick Response Team te, Yuva Aapda Mitra te, Govt. Serchhip College Youth Adventure Club te leh Assam Rifles ten chhanchhuah hna an thawk a.
Chhiatna thlenna hmunah hian Site Incident Commander bakah police te, MPRO te leh Village Disaster Management Committee te an awm a ni.
Zanina mock drill neih zawh tak hi Serchhip DC Pu Paul L Khuma – Responisble Officer leh Additional DC Pu Lalrinzuala ten District Emergency Operation Centre thutchilhin an kaihruai a. Incident Response System tih nun (activate) niin IRS member zawng zawngte DEOC ah an pung khawm a. Hlawhtling taka Mock Exercise neih zawh hnuah DEOC ah hian an chetlak dan thlir letna hun an hmang zui nghal a ni.

Pr. No. 12/2026 (SCP) Dated Serchhip 15th January, 2026
Issued by District Information and Public Relations Officer; Serchhip District, Serchhip.