Press Release (Dated Serchhip, the 11th July, 2025)

Serchhip ah raltlante nihna chhinchhiah dan tur chungchang sawiho

Dated Serchhip, the 11th July, 2025: Vawiin khan Serchhip DC hovin District Level Committee on Displaced Persons chu an thu khawm a. Myanmar leh Bangladesh atanga raltlante ziah luh dan tur, Biometric Enrolment of Displaced Persons through Foreigner’s Identification Portal chungchang sawiho a ni.
He meeting ah hian Pu Vanthangpuia, SDC, Nodal Officer for Biometric Enrollment of Displaced Persons chuan presentation pe in, enrollment ti tura central sawrkar in thupek a chhuah dan te, a in ziah luh dan ah Mizoram sorkar in himlo a tih chin siam danglam tura a ngen anga Central sawrkarin a rawn siam danglam thu te ngaihthlak a ni a. Tin, District level a hmalak dan tur kalphung te ngaihthlak a nih hnuah hetiang hian ruahmanna siam a ni:
1. District Level Team for Biometric Enrollment member atan: Pu Vanthangpuia SDC, Nodal Officer, Pu RK Lalremruata, SP Office leh raltlan awmna khaw tin atanga VC leh YMA aiawh te ruat an ni.
2. DC Office leh SP Office aṭang te in District User pathum (3) ve ve (a hmun a Enrollment la tu tur te) ruat.
3. YMA leh VC te hnena enrollment pawimawh zia leh raltlan inthawnletna tur a nihloh zia inhrilhhriat nawn leh.
4. Khawl hman tur te a thlen kim veleh raltlan awmna khaw tina enrollment lak hun tur Schedule Plan siam.
5. Enrollment tihna hmunhma chu an khaw hruaitute (VC leh YMA) ten tha an tih angin an ruahman ang.
6. Thenzawl leh N. Vanlaiphai Sub Divisions huam chhung khua te tan Thenzawl SDO Civil leh N. Vanlaiphai SDO Civil te kaihhruainaa kalpui tura ruahman a ni.
7. Hemi exercise pah hian District level a registration mechanism kalpui tura ruahman a ni.
He meeting ah hian SP, ADC, Sadar, CMO, EE (PHE and P&E), SDC, DCSO, President Joint VC Serchhip Town, President Sub Headquarters YMA, Serchhip te an tel a ni.

Pr No. 219/2025 (SCP) Dated Serchhip 11th July, 2025
Issued by District Information and Public Relations Officer; Serchhip District, Serchhip.