Press Release (Dated Serchhip, the 11th July, 2025)

Serchhip ah Mission Organic Value Chain Development – NER Phase IV chungchang Meeting neih a ni

Dated Serchhip, the 11th July, 2025: Vawiin khan Serchhip DC Meeting Room ah District Level Monitoring Committee on Mission Organic Value Chain Development – NER Phase IV chu an Chairman Pu Paul L. Khuma hovin an thukhawm.
Asst. DAO Pi V.Lalhriatpuiin MOVCD Scheme kalphung leh thil tum te a sawifiah a, MOVCD in a tum ber chu loneitu te chemical tel lova thlai tharchhuah tir a, a hralhna thlenga puih a ni a. MOVCD Phase IV hnuaiah Serchhip District-ah FPC 1, Tuikum Organic FPC din niin, FIG 23 an awm mek a. Thlai thlan bik- lakhuihthei, sapthei leh serthlum te chu hectare 500 a chintir turin farmers registration tihfel a nih tawh thu a sawi.
He meetingah hian Service Provider, Clover Organic Pvt. Ltd. atangin an hmalakna hrang hrang ngaihthlak a ni a. Tin, an harsatna tawh thenkhat te tarlan niin, DLMC Member kalkhawm department te nen an thawh ho dan tur sawikhawm a ni bawk.
Meetingah hian Addl. DC Pu Lalrinzuala, SDC Dr. C. Vanlalchhanhimi bakah line department hotute an tel a ni.

Pr No. 218/2025 (SCP) Dated Serchhip 11th July, 2025
Issued by District Information and Public Relations Officer; Serchhip District, Serchhip.