Press Release Dated Serchhip, the 11th February, 2025

Serchhipah Safer Internet Day hmang

Dated Serchhip, the 11th February, 2025: Ministry of Electronics and Information Technology (MEITY) chuan vawiin hi him zawka internet hman dan inzirtirna ‘Safer Internet Day’ atan a hmang a. MEITY hian he ni denchhen hian program chi hrang hrang a buatsaih a. Serchhip District-a NIC District Unit te pawhin he ni pual hian Serchhip District a Department tinah email hmangin lehkha pawimawh leh document kaihhnawih te a thawnchhuak a ni.

Safer Internet Day hi February karhnihna Thawhlehni apiangin khawvel pumah hman thin a ni a. A bik takin naupang, thalai leh nuho zingah him zawk leh tangkai zawka internet hman dan inzirtirna ni atan hman a ni. Kumin Safer Internet Day ah hian thupui atan “Together for a Better Internet” chu thlan a ni.

MEITY chuan workshop a buatsaih bawk a, hetah hian a duh apiang tel theih a ni a. Serchhip District NIC Unit te chuan department tin hotute hnenah him zawka internet hman dan inzirtir turin he ni pual hian an ngen a ni.

Safer Internet Day – Security Tips Safer-Internet-Day-Nielit-Logo