Press Release (Dated 9th January, 2025)

Serchhipah Republic Day lawm dan tur rel
Dated Serchhip, the 9th January, 2025: Vawiin khan Serchhip DC Pu Paul L. Khuma hovin Republic Day 2025 hman dan tur ngaihtuahin Serchhip DC Pisapui Hall-ah an thukhawm.
Chairman Pu Paul L. Khuma chuan Republic Day kan hman chhan hi hre reng ila, mi tam takin an nunna hlu tak hlana an lo beihna azarah khawvela Constitution lian ber nei thei kan ni a, a hlu in a ropui hle a ni a ti.
Republic Day lawmna Serchhip Sports Complex-a hman tur hi Pathianni a nih avangin zing dar 7:30-ah neih a ni dawn a, Serchhip DC chu khuallian a ni ang. Parade Contingent zinga tel tur school te chu DEO atanga ruahmanna siam a ni anga, 42 Assam Rifles Pipe Band, Govt. Serchhip College NCC te tel thei tura beisei an ni a, January 22 atanga January 24, 2024, ni thum chhung Rehearsal an nei dawn a ni. Republic Day denchhen hian Home hrang hrang bakah Hospital leh District Jail ah te tanpuina pek a ni dawn a. Hemi ni hian Sawrkar Building zawng zawngah hnam puanzar (national flag) zar vek a ni dawn bawk a ni.
Meeting-ah hian Serchhip District chhunga Department hrang hrang hotute bakah Assam Rifles, BSF, khawtlang hruaitute leh tlawmngai pawl aiawh te an tel a ni.

Pr No. 8/2025 (SCP) Dated Serchhip 9th January, 2025
Issued by District Information and Public Relations Officer; Serchhip District, Serchhip.