Press Release Dated 6th February, 2025

Serchhipah Election Duty tura ruat ten vote an thlak
Dated Serchhip, the 6th February, 2025: Vawiin atanga tanin Serchhip District ah Election Duty tura ruat ten Facilitation Centre ah Vote an thlak.
Facilitation Centre hi DC Office Serchhipah siam a ni a. Election-a duty tur te hi hlawm hnihah thenin hlawm khatna – District chhunga vote nei, election duty tura ruat te chuan vawiin February ni 6 atanga vote thlak tanin February ni 8 thleng hun hawn sak an ni a. Hlawm hnihna – District pawna vote nei, election duty tura ruatte tan erawh vawiin chauh hi vote thlakna hun hawnsak an ni a. Rokhawlhna avanga thlak hmanlo an awm chuan naktuk February ni 7 chhun dar 12 thleng hun hawnsak an ni ang.
Vawiin vek khan Polling Official te tan Government Serchhip College ah training buatsaih a ni bawk a. Master Trainer – Dr Peter Malsawmtluanga, Pu K Lalhlimpuia, Dr C Vanlalchhanhimi leh Dr Marilyn Lalruatkimi ten training hi an pe a ni.

Pr No. 46/202 (SCP) Dated Serchhip 6th February, 2025
Issued by District Information and Public Relations Officer; Serchhip District, Serchhip.