Press Release (Dated 5th December, 2024)

Serchhip District ah naupangte himna ngaihtuahtu Committee thukhawm

Dated Serchhip, the 5th December, 2024: Vawiin khan Serchhip District Child Welfare and Protection Committee chu an Chairman Pu Paul L.Khuma, Serchhip DC hoin Serchhip DC Meeting Hall ah an thukhawm.

District Child Protection Unit (DCPU), Serchhip District hmalakna hrang hrang te meeting ah hian ngaihthlak a ni a. Observation Home pakhat an enkawl mekah kum 2019 atang khan naupang 84 an awm tawh thu te, Unity leh Zoar Home an enkawl mekah kum 2019 atang khan naupang 50 an awm tawh thu te ngaihthlak a ni. Protection of Children from Sexual Offences Act (POCSO) case hi kum 2019 atang khan Serchhip District-ah 45 a awm tawh a. District chhunga khawtinah awareness campaign ngawrh taka kalpui chhunzawm reng a nih thu ngaihthlak a ni bawk.

School tinah Protection of Child Rights atana zirtirtu ruat bik Nodal Teacher te chungchang sawiho a ni a. Tun dinhmunah nodal teacher 202 an awm mek a. Mimal anga ruat tawh loin Principal/Headmaster/Headmistress te chu an designation ang zawkin Nodal Teacher atan ruat ni tawh zawk se tiin meeting-ah hian an rel a ni. Police Station a child friendly corner neih mek chungchang sawiho a n ia, District Court ah pawh siam dan zawn ni se tiin an rel a. Child Care Institution hrang hrang an enkawl mek a harsatna an tawh te sawiho an ni a. Building luahlai insawn chungchang te leh a hmunhma thuamthat chungchang te rel a ni bawk.

Pr No. 283/2024 (SCP) Dated Serchhip 5th December, 2024
Issued by District Information and Public Relations Officer; Serchhip District, Serchhip.