Press Release (Dated 23rd August, 2024)

Serchhip DC Pu Paul L Khuma hovin District Sports Committee thukhawm

Dated Serchhip, the 23rd August, 2024: Serchhip District Sports Committee chu an Chairman Pu Paul L.Khuma, DC ni bawk hovin vawiin khan DC Meeting Hall-ah an thukhawm.

Vawiin meeting-ah hian SDSC Sports Complex ram chu a theih anga ranga SDSC hminga Land Lease siam ni se tia meeting hmasaah an lo rel tawh chu sawiho a ni a. October thla chhung hian a hmunhma samfai leh teh ni se, tiin an rel a. SDSC Meeting Hall chei that chungchang sawiho niin sum neih sa atangin a theih angin chei that ni se, a duh tana man chawia hawhchhuah theih turin buatsaih ni se, tiin an rel a ni.

Serchhip District Wrestling Association-in August 26-29, 2024 a 7th Inter District Wrestling Championship, Aizawla neih turah infiammi 40 an tirh chhuah dawn avangin Serchhip District Sports Promotional Fund hnuaiah dilna an thlen a. Serchhip District Sports Committee-in inkaihhruaina a neih sa zulzuiin remtih sak an ni. Wrestling Association te hian an pawl tan ram cheibawl tur an dilna sawiho a ni a, an dilna ang hian remtih sak an ni bawk.

Meetingah hian District Sport & Youth Officer leh Secretary ni bawk Dr Marilyn Lalruatkimi bakah ex-officio te leh memberte an tel a ni.

Pr No. 166/2024 (SCP) Dated Serchhip 23rd August, 2024
Issued by District Information and Public Relations Officer; Serchhip District, Serchhip.