Press Release (Dated 12th July, 2024)

Serchhip khaw chhunga veng thenkhat ASF hrilenna ‘Infected Area’-ah puan a ni.      Pr No. 130/2024 (SCP)

Dated Serchhip, the 12th July, 2024: Serchhip khaw chhung – Serchhip Vengchung, Chanmari, Field veng, New Serchhip ‘S’ leh P&E vengah tun hnai hian Vawk a thi nual a. Heng vawk thi te hi African Swine Fever (ASF) vanga thi an ni tih finfiah a ni tawh a. Hetiang anih avang hian he hri a darh zel loh nan he hri len mekna hmun hi INFECTED AREA a puan a lo tul ta a.

Chuvangin, Dr. H. Vanlalrawna, District A.H & Vety Officer Serchhip chuan, The Prevention & Control of Infectious and Contagious Disease in Animal Act 2009, Section 20 sub-section 1 in thuneihna a pek angin Serchhip Vengchung, Chanmari, Field veng, New Serchhip ‘S’ leh P&E veng, Serchhip District chu July ni 12, 2024 atanga thu leh awm hma chu Vawk hri lenna hmun “INFECTED AREA” a ni tih a puang.

Infected Area chhungah hian hengte i zawm ngei tur a ni.

1. Serchhip Vengchung, Chanmari, Field veng, New Serchhip ‘S’ leh P&E veng chhung atanga vawk, vawksa leh vawksa tanga thil siam reng reng lakchhuah khap tlat a ni.

2. Vawk thi reng reng paih mai lovin, chinai /Disinfectant nen thuk taka phum ngei tur a ni.

3. Vawk talh leh vawksa zawrh khap that a ni.

4. Vawk thi an awmin A.H & Vety Derpartment Official te hnenah hriattir vat thin tur a ni.

Pr No. 130/2024 (SCP) Dated Serchhip 12th July, 2024
Issued by District Information and Public Relations Officer; Serchhip District, Serchhip.