Press Release Dated Serchhip, the 3rd July, 2025
Serchhip District-a sawhthing lei leh hralh dan thlir letna hun hmang
Dated Serchhip, the 3rd July, 2025: Vawiin khan Serchhhip District Agriculture Marketing Committee chuan kumin atana Handholding hnuaia sawhthing lei kharna programme an hmang a, an hmalakna thlir letna hun an hmang nghal bawk. Meeting hi Pisapui Meeting Hall ah neih niin DAMC chairman Pu Paul L Khuma, Serchhip DC ni bawk chuan programme hi a kaihruai a ni.
Sawhthing lei leh hralh hi phase hniha kalpui a ni a. Phase 1 ah hian loneitute hnenah sawrkarin sawhthing a leisak a, kg ah ₹50 hisapa leisakin farmer te bank account ah thun nghal a ni a. Phase 2 hi support price pea kalpui a ni thung a. SCC tin ten anmahni inbuaipuiin an kudam atangin an hralh chhuak thung a, DAMC ten nasa takin an tanpui bawk a ni.
Phase 1 ah hian Serchhip District ah Direct Purchase in sawhthing quintal 8845 lei niin, quintal 2189 chu Sairang Buffer Stock ah phurh thlak a ni a. SCC atangin buyer hnenah sawhthing te hi hralh chhuah leh niin a hralhna sum hmuh zat hi ₹1,09,49,386 a ni.
Phase 2 ah hian sawhthing hralh hna hi la kalpui mek a ni a. Tun dinhmunqh 51,342qtls hralh tawh a niin SCC tina sawhthing hralh dan report hnuhnung ber chu hetiang hi a ni:
Serchhip – 8411 qtls
Khawlailung- 13302 qtls
Chhingchhip- 8238 qtls
Thenzawl- 7394 qtls
East Lungdar – 4623 qtls
Lungpho – 3763 qtls
North Vanlaiphai – 5558 qtls
Khawlailung SCC hi sawhthing hralh chhuak hnem ber an ni mek a. Serchhip SCC chuan dawtin Chhingchhip pathumna an ni. Tun thlenga support price pek tawh zat hi ₹6,01,08,104 a ni a. La pek loh cheng vaibelchhe 7.49 a la awm bawk a. June 30 ah tihfel vek tum a nih laiin khawchhia avangin SCC te leh farmer ten harsatna an tawk a. MAMB remtihnain July 15 thleng invoice thehluh hun pek belh an ni.
Vawiin meeting-ah hian sawhthing lei leh hralh dan thlirletna hun hman a ni a. Harsatna an tawh dan te sawilan niin mipui tana awlsam zawk leh hlawk zawka lei leh hralh dan rawtna te sawiho a ni.
DC Pu Paul L Khuma chuan sawrkar hmalakna tha taka kalpui a ni chu lawmawm a tihzia sawiin farmer te account ah cheng vaibelchhe 15 vel zet a lut dawn a, kuthnathawktute tan malsawmna a thlen ngei a beisei tih a sawi a. Kum thar lama chhunzawm a nih hunah DAMC member te pawh tang leh zual turin a fuih a ni.
Pr No. 206/2025 (SCP) Dated Serchhip 3rd July, 2025
Issued by District Information and Public Relations Officer; Serchhip District, Serchhip.
