Press Release (19th July, 2024)
Sawrkar tha ah chuan hmalakna hrang hrangte hi a langtlang tur a ni a. Tin, mipuite pawhin Sawrkar hmalakna hi an hre ve zel thin a ni. Hei hi a hlawhtlinna turin Sawrkar chuan mipuite hman theih tur MIPUI AW leh CPGRAMS te a lo duang chhuak a. Mipui ten Sawrkar hmalakna a kan lungawi lohna leh vuivainate thlenna tur a ni a. A nihna anga kan hman chhuah theihna turin etiang hian mipuite hriattir kan ni e:
MIPUI AW – mipuiaw.mizoram.gov.in – He mi URL hmang hian in register a, Department -ah kan vuivainate thlen theih a ni. A hnuaia thailante hi in register dan leh vuivaina thehluh dan te a ni:
1. A chunga website a lut theilo tan khian Google search ah “Mipui Aw” tih zawnin a rawn lang hmasa berah khan luh tur a ni a. Mobile phone atang pawhin a luh theih a ni.
2. Mipui Aw a vuivaina thehluh hma hian registration tih a ngai a. “Register” tihah khan lutin a tul ang chhut luh hnuah, i phone number ah 0TP te a lo thleng ang a. Chuti chuan account i nei tawh dawn a ni. I account atangin, vuivaina leh lungawilohna te chu i Department duhah thai langin i thehlut mai dan a ni.
3. Mipui Aw hi Sawrkarin mipute rawng a bawlsakna kaihhnawih thupui eng pawhah Sawrkar thuneitute hnenah an lungawi lohna an thehluh theihna tur online platform a ni. Heng a hnuaia mi ho hi Vuivaina anga ngaih theih a ni lo thung:
a. RTI lam
b. Court lam thil
c. Sakhuana lam
d. Mimal ngaihdan
e. Lungawilohna nei Sawrkar hnathawk te chuan proper channel an hmang phawt ang.
4. Department tinin MIPUI AW-ah hian chan an nei vek a ni. An Department chan a lungawilohna complain lut hi an lo vil zui thin a ni.
5. MIPUI AW-a lungawilohna thehluh dinhmun chu Vuivaina thehluttu hian a chin (status) a hre zel thei bawk a ni. Heihi a thehluttu account atangin a en theih vek a ni.
6. Mipui Aw ah hian vuivaina chungchanga hmalatu Grievance Officer-in thutlukna a siamah mipuite an lungawi loh chuan zualko theihna a pe bawk.
7. Complain thehluttuin a complain an lo chinfel sak danah a la lungawi zawh loh chuan grievance khar hnuah ‘feedback’ ziahna a awm a, chutah chuan a thehluh leh theih a ni.
8. Feedback-ah hian ‘Rating’ a awm a, an chinfel sak dan chu a that/chhiat dan azirin grade pek tur a ni a. Poor’ a nih chuan appeal/zualko theihna tur chu hmeh theih turin a rawn inhawng dawn a. Appellate Oficer hnenah vuivaina chu a thleng nawn leh dawn a ni.
9. A hman dan chipchiar hi Mizo tawngin MIPUI AW portal ah hian en turin a awm reng bawk a ni.
CPGRAMS – https://pgportal.gov.in/Registration
CPGRAMS hi Centralized Public Grievance Redress And Monitoring System tihna a ni a. Mipui ten Sawrkar hmalakna a lungawilohna awlsam taka an thehluhna tur a duan a ni a. A viltu hi central Sawrkar a ni a. CPGRAMS a vuivaina te hi Mizoram Sawrkar kaihhnawih a nih chuan an rawn thawn chhawng thin a. A changtu Department/0ffice hnenah huntiam chhunga chingfel tura thawn chhawn leh thin a ni.
1. A chunga website a lut theilo tan khian Google search ah “cpgrams” tih zawnin a rawn lang hmasa berah khan luh tur a ni a. Mobile phone app pawh siam a ni.
2. “Sign In” tihah khan lut la, “Click here to sign up” tihah lut lehin, account siam tura mamawhi chungchang i chhulut ang a, ti chuan account i nei dawn a ni.
3. Account i neih tawh chuan i login hnuah, “Lodge Public Grievance” tih kha hmetin, Ministry/Department/State Sawrkar eng emaw ber nangmah ti lungawilotu kha i
thlang ang a.
4. Select Main Category hnuaiah hian – an Department chan bika i lungawilohna subject kha thlan leh tur a ni.
5. I subject thlan azirin thlan tur dang a rawn lang ang a. A viltu office hming te, harsatna i tawh hunte thlan tur a rawn awm thei a ni. Tin, a hnuai lama box “Text of grievance” tihah hian i vuivaina chu chhut luh tur a ni a. Document thawn tel i duh chuan a thawn theih bawk a ni. Heng zawng zawng i tih zawh hian “Next” hmetin i thehlut tawh dawn a ni.
6. Account i siam laia email-ah khan i vuivaina Registration No. a lo thleng ang a. Hemi No. hmang hian a thlen chin i chhui zel thei a ni.
7. I vuivaina chu chinfel a nih hnuah Feedback thehluhna tur i email-ah a rawn thawn ang a. Chutah chuan i lungawi tawh em tihte i sawi thei dawn bawk a ni.
8. Tla lungawi lo a nih chuan, grade i pek dan azirin Zualko leh theihna a rawn siam sak leh dawn bawk a ni. Digital khawvelin hmasawnna a kalpui hi hmang tangkaiin, Sawrkar hmalakna a i
vuivainate chu MIPUI AW leh CPGRAMS hmang hian thuneitute ah thlen ve ngei ang u.
A tih dan chungchanga harsatna nei kan awm chuan, a hnuaia Nodal Officer tarlante
hi biak mai tur a ni:
1. MIPUI AW – Dr. Marilyn Lalruatkimi, SDC. Ph.No. 8415854261
2. CPRGAMS – Lalhruailiana Zote, SDC. Ph. 8974196381