Press Release(Dated 14th January, 2025)

Serchhip Road Protection Squad ten kawngpui endik

Dated Serchhip, the 14th January, 2025: Vawiin khan Serchhip District Road Protection Squad Team B te chuan an leader Dr. C. Vanlalchhanhimi, SDC hovin Serchhip khaw chhung Vengchung, Field Veng leh Dinthar VC area-a kawngpuite an endik.

Vawiina thawk chhuakte hian chipchiar taka kawngpuite fangin, lirthei leh mipui veivahna atana hnawk thei thil dahtute chu insenghawi turin an hriattir a ni. Road Protection Squad hian an hmalakna hi khauh taka kalpui an tum a, an endikna chungchangah a tul anga sawi hona neih chhunzawm a ni anga, thla khat hnuah endik leh tur niin, bungraw dah sawn tura an tih ten thu an zawm em tih an en leh anga, dan zawm lote chungah a tul anga hmalak chhunzawm tur a ni ang.

Serchhip Road Protection Squad te hian Serchhip khawpui chhunga kawngte hi a him tawk em tih leh vantlang tana hnawk thama kawngpui nek an awm em tih te an endik thin a. Kawng kama dawr leh Workshop nei ten kawng an nek em tih te, garage nei loa kawng sira lirthei riah thin te an awm em tih te an endik thin a. Team 4 (A, B, C leh D)-ah inthenin official te bakah tlawmngai pawl hruaitute leh Joint VC hruaitute an tel a. Serchhip khawpui chhung VC area hrang hrangah insemdarhin a tah tawlin kawngpui te hi an endik thin a ni.

Pr No. 10/2025 (SCP) Dated Serchhip 14th January, 2025
Issued by District Information and Public Relations Officer; Serchhip District, Serchhip.