Press Release Dated Serchhip, the 18th March, 2025

Serchhipah Chapchar Kut hman dan thlir let.

Dated Serchhip, the 18th March, 2025: Vawiin khan Serchhip DC Meeting Hall-ah DC Pu Paul L Khuma hovin kumin March ni 7-a Chapchar Kut hman zawh tak thlir letna hun an hmang.

Chapchar Kut hman dan chipchiar hi Serchhip Sub Headquarters YMA kutah dah a nih angin vawiin meeting-ah hian Sub Headquarters YMA aiawh ten Kut hman dan leh ruahmanna an siam dan te, budget atanga sum leh pai an hman dan chipchiar an report a. Harsatna an tawh te leh chumi chinfel dan tur nia an hriat rawtna te meeting-ah hian an thlen a ni.

Tlawmngai pawl hrang hrang te inpekna avang leh sawrkar office hrang hranga thawktute thahnemngaihna avanga Chapchar Kut chu hman theih a nih thu leh, he Kut hman a nih theihna atana hun leh tha, sum leh pai, ngaihtuahna sengtute zawng zawng chungah DC Pu Paul L Khuma chuan lawmthu a sawi a ni.

Kut buatsaih leh zel tura hmalak a awlsam zawk nan tlawmngai pawl hrang hrang te telna Chapchar Kut Working Committee din chu meeting hian tha a ti a. Sum leh pai indaihlohna phuhru turin a rem chan dan anga pawisa thawh khawm tha an ti bawk a ni.

Pr No. 98/2025 (SCP) Dated Serchhip 18th March, 2025
Issued by District Information and Public Relations Officer; Serchhip District, Serchhip.