Press Release (Dated 29th January, 2025)

DC Pu Paul L Khuma’n PM Cares dawngtu naupangte a kawm

Dated Serchhip the 29th January, 2025: Vawiin khan Serchhip DC Pu Paul L Khuma hoin DC Meeting Hall-ah PM Cares kaltlanga tanpuina dawngtu naupang te kawmna hun neih a mi.

COVID-19 hripui leng rapthlak tak avanga nu leh pa in an boralsan tak naupang te tan Prime Minister Pu Narendra Modi chuan ‘PM Cares for Children Scheme’ hi a siam a. He Scheme hi May ni 29, 2021 khan kalpui tan niin naupangte tan hamthatna tam tak siam sak an ni a, an lo puiltin hnuah an lo intundin theihna tur atan sum ruahman sak an ni. Serchhip District ah hian PM Cares dawngtu naupang 4 an awm a. Heng naupangte hriselna chungchang te, zirna kawnga hma an sawn chhoh dan te, an dinhmun leh khawsak dan te uluk taka vil turin Bawrhsap kaihhruaina hnuaiah DCPU chuan mawh an la a. Vawiinah hian heng PM Cares dawngtu mi palite hi DC Pu Paul L Khuma hoin an kawm a ni.

PM Cares kaltlanga anmahni vil tura dah DC chuan naupangte hi fuihin harsatna an nei a nih chuan amah leh District Child Protection Unit te an tan an awm reng thu a hrilh a. Zirna ngai pawimawh tura fuihin an zir chhunzawm zelna turah harsatna an tawk a nih chuan tanpui turin an inhawn reng tih a sawi a ni.

March 11, 2020 atanga March ni 3, 2022 chhunga COVID-19 avanga nu leh pate Covid-19 avanga boral ve ve te; nu emaw pa emaw Covid-19 vang kher lo a boral tawh, a damlai zawka te Covid-19 avanga an boralin emaw, anmahni enkawltu (legal guardian) emaw fa atana latu (adoptive parents) te Covid-19 avanga an boralin, an boralsan tak naupangte dawmkanna turin PM Cares hi duan a ni.

Vawiin meeting-ah hian District Child Protection Officer Pi Lalsiampuii bakah PM Cares dawngtu naupangte leh an chhungte an tel a ni.

Pr No. 32/2025 (SCP) Dated Serchhip 29th January, 2025
Issued by District Information and Public Relations Officer; Serchhip District, Serchhip.