Press Release (Dated 11th September, 2024)

Serchhip District Cooperative Society te hmasawnna tur ngaihtuah

Dated Serchhip, the 11th September, 2024: Vawiin khan District Cooperative Development Committee (DCDC) Meeting chu an Chairman Pu Paul L. Khuma, Deputy Commissioner, Serchhip District kaihhruaina in DC Meeting Room ah an thukhawm.

Pi L. Lalzidingi, District Cooperative Officer (DCO), Serchhip chuan meeting koh anih chhan te sawifiahin, Ministry of Cooperation, Govt. of India atanga district tinah Committee hi din tura tih anih thu leh chumi bawhzui nan chuan Serchhip District-ah pawh he Committee hi din niin, tun hi tum thum an thutkhawmna a nih thu a sawi bawk.

Tun dinhmunah hian Serchhip District chhungah Cooperative Society 120 an awm a, an zingah hian Ministry of Cooperation in a ngaihpawimawh em em Multipurpose Primary Agricultural Credit Society (M-PACS) pariat an awm a ni. Society te hian hma an sawn zel nan an hmalakna tur thil chi hrang hrang 25 sawrkarin ruahmanna a siam ah District chhunga Society hrang hrangte pawhin an huang an zauh zel a pawimawh thu an sawi ho a. Hemi hlawhtlinna tur atan hian Department dang atanga lokal te pawh an Department hmalaknaah Society te hmasawnna a theih anga lo ngaipawimawh theuh turin an inchah bawk.

Serchhip District chhungah hian Cooperative Society la awmlohna khua engemawzat ala awm a, heng khuaah te hian Department dang nena tang hoin Cooperative Society din a nih theih nan District Cooperative Officer (DCO) leh a thawhpui ten hma lo la zui zel se an ti a ni.

Meetingah hian Addl. DC Pu Lalrinzuala, SO Pu Gaston Vanlalhriatpuia, SDC Dr. C. Vanlalchhanhimi bakah line department aiawhte an tel a ni.

Pr No. 184/2024 (SCP) Dated Serchhip 11th September, 2024
Issued by District Information and Public Relations Officer; Serchhip District, Serchhip.