Serchhip District PIGRM - Social Welfare Department


Serchhip-ah hian District Social Welfare Office dah a la ni lo va, Child Development Project Officer, Serchhip ICDS Project-in ICDS leh Social Welfare Department hmalakna hi a thawk kawp a ni.

INTEGRATED CHILD DEVELOPMENT SERCVICES PROJECT:

HNATHAWH LEH THIL TUM TE (AIMS AND OBJECTIVES OF ICDS):

Thuhmahruai: India ram hi khawvela naupang ngah ber dawttu kan ni a; mihring Vaibelchhe 121.01 kan awm a, chung zinga za zela sawm leh pathum (13%) chu naupang kum ruk (6) hnuai lam (0-6 yrs.) an niin an vaiin vaibelchhe 15.8 vel an ni.

India ramin naupangte hamthatna tura a hma lakna hi a langsar hle a, India Danpui pawhin naupangte hamthatna tur tam tak a duang chhuak a. Kan Prime Minister hmasa ber Pu, Pandit Jawaharla Nehru piancham November ni 14 pawh ram pumah Naupangte Ni (Children’s Day) atan hman ani thin. Kum 1974 khan Sawkarin ram pum huap naupangte pual bika tih hlawhtlin tur ‘ The National Policy for Children’ a duang chhuak ta hial a. He policy hian Naupangte chu kan Hnam Rohlu ber an ni a, tha taka chawm len chhoh leh tihpuitlin chu kan hnam mawhphurhna ani a ti a. Tin, he policy hian naupang an pian chhuah hma leh pian hnu-a taksa, rilru leh nunphung tha taka an thanlen chhoh theihna tur hi Sawrkarin a ngaihtuah tur a ni a ti bawk a. Naupangte hamthatna tura hma lakna hrang hrangte hmun khata khaikhawma hma lakna turin kum 1975 khan Integrated Child Development Services (ICDS) Programme hi duanchhuah a lo ni ta a. ICDS Programme hi Prime Minister 20-point Programme – India ram puma ruahmanna pawimawh zinga point 15-na ah telh niin tunah hian ngaihpawimawh tur Flagship Programme zingah a tel zel a ni. ICDS Programme hian Thingtlang a cheng te, Tribal hnam leh khawpuia cheng mirethei naupangte a ngai pawimawh bik a ni. Serchhip ICDS Project hi Sawrkar laipui ruahmanna (Centrally Sponsored Scheme) niin senso pawh Central Sawrkar tuma hma lakna deuh vek a ni.

ICDS THILTUM (OBJECTIVES) TE:

  1. Naupang kum 6 hnuai lam te ei leh hriselna tih hmasawn sak.
  2. Naupangte rilru, taksa leh nunphung tha taka an thanlen chhoh theihna tura bul tan sak leh hma lak.
  3. Naupang zinga thihna, piansualna leh taksa mamawh ang chaw tha ei loh vanga natna teleh Sikul bang tih tlem.
  4. Naupangte hmasawnna tura Sawrkar Department hrang hrangte awmze nei leh pheikhai rual taka an thawhho theihna tura hma lak.
  5. Nuten an Naupangte hriselna lam leh chaw tha ei kawnga an mamawh leh enkawl dan an hriat theihna tur leh an enkawl thiam theihna tura zirtir.

ICDS HNATHAWH (SERVICES)TE:

  1. Naupai, naupawm leh naupang thla 6 atanga kum 6 inkarte chaw tha pek belh (Supplementary Nutrition).
  2. Naupai, naupawm leh naupangte hriselna endik (Health Check-up).
  3. Nau pai, naupawm leh naupang damlo a tul dan azira Damdawi In lian zawka kal tir (Referral Service).
  4. Naupai leh naupangte natna laka Invenna pek (Immunization).
  5. Taksa mamawh chaw leh eitur tha leh hriselna chung chang zirtir (Health and Nutrition Education).
  6. Naupang kum 6 hnuai lamte Sikul pangngaia kal tura lo buatsaih (Non-Formal Pre-School Education).

ADOLESCENT GIRLS SCHEME ( KISHORE SHAKTI YOJANA)

ICDS Programme in a thiltum hnuaiah hian hmeichhia leh naupangte hi a pawimawh leh in kawp tlat a nih angin a hmaa eng Programme mahin a huam ve loh hmeichhia kum 11 – 18 inkar puitling chho mek te enkawl puiltin pawimawhzia hriain Sawrkar chuan he Scheme hi duang chhuakin kum 1995 atang khan ICDS Programme-ah telh a lo ni a.

He KSY Scheme hian a tum chu:-

  1. Hmeichhia kum 11-18 inkar te puala hma lak. hnam zia leh dinhmun harsat vang emaw a school kal lo leh zir chhuak lo tam tak an awm)
  2. An hriselna leh ei leh in tih that.
  3. Ziak leh chhiar thiam mumal lote Non-Formal Education emaw National Literacy Programme emaw hmanga zirtir.
  4. In chhung khur mamawh thiamna nei tura zirtir.
  5. Hriselna, faina, chaw tha pawimawhna te, inchhung enkawl dan leh naupang enkawl dan te zirtir.
  6. An khawtlang leh chhehvel thilin an nuna nghawng a neihte hrethiam leh hmachhawn thei tura buatsaih.
  7. Fa hring thei an nihna hriatthiam tira hma taka pasal leh fa nei lo tura hma lak sak.
  8. Vantlang zinga in hman leh inpho chhuah duhna an neih theihna tura tih phur leh an duhthlan theihna chanvo an neihte hmanchhuah tir.
  9. Heng thil tumte tihlawhtling tura khawtlang leh boruak buatsaih.

He Scheme tihlawhtling tur hian Anganwadi Centre tinah an huam chhunga Hmeichhe tleirawl kum 11-18 inkarte dap chhuakin enkawl an ni a. Supplementary Nutrition pek an nih bakah Balika Centre- ruat bikah te ko khawmin zirtirna hrang hrang pek an ni thin.

HNATHAWH DAN TLANGPUI:

Serchhip ICDS Project pumpui hi Supervisory Circle pangaah then a ni a, chungte chu:- 1. Serchhip Circle.2. Bungtlang Circle. 3. Thenzawl Circle 4. Chhiahtlang Circle leh 5. Chhingchhip Circle te an ni a:-

Heng Circle te hi Circle Officer ten an awp a. Khua/Veng khata mihring 300 vel awmnaah Anganwadi Centre pakhat awm zelin tunah hian khua/Veng tin cover chhuak vekin Anganwadi Centre 93 kan nei tawh a. Anganwadi Centre tinah hian Anganwadi Worker leh Helper pakhat theuh awm zelin a chunga ICDS thil tumte tihlawhtling tur hian anmahni bial (area) theuhah an thawk a.ICDS hi mipuite telna tur mipuite Programme anih angin khawtlang aiawh,Khawtlang mi pawimawhte telna Co-ordination Committee leh Nuho Pawl bik (Mother Committee) te din zel a ni a; Co-ordination Committee te, Nuho leh khawtlang tangrual hian Sawrkar ruahmannate lo puibawmin Anganwadi Centre mamawh leh tul atan tha leh zung tam tak an seng thin a ni.

HNATHAWH DANGTE (OTHER SERVICES):

ICDS Programme bik bakah hian Serchhip District –ah District Social Welfare Officer dah a la ni loh avangin Social Welfare hma lakna hrang hrangte thawh tel a ni bawk a. chungte chu:-

1) National Social Assistance Programme (NSAP) : Hei hi India rama cheng eizawnna neih loh vang te,kum upat avanga thawhchhuah neih theih tawh loh avang te leh piansualna avang te leh chhungkaw eizawngtu ber boral avanga chhungkaw retheite tanpuina tura Sawrkar laipuiin a duanchhuah a ni a;kum 1995 August ni 15 atanga hman tan a ni. NSAP hnuaiah hian tanpuina chi nga (5) a awm a, chung zinga pali (4) chu Serchhip ICDS Project-ah pawh hian kalpui mek a ni a; heng tanpuina dawng turte hi Survey neiin emaw NGO te hmanga dapchhuakin dilsak an ni thin; chungte chu:-

2) Rualbanlote hamthatna dang:

ICDS Project hi Serchhip District-ah Pahnih a awm a, Serchhip ICDS Project leh E.Lungdar ICDS Project te a ni. Heng Project Pahnih hnuaia hnathawkte hi an contact details tarlan a ni a, an bial chhunga mipuiten ICDS chungchanga an hriat duh te an zawt thei ang.

Name of Office   : Child Development Project Officer, Serchhip ICDS Project.
Name of Department  : Social Welfare Department.
Name & designation of
Designated Officer
: B.Lalhmangaihi, Child Development Project Officer. Serchhip ICDS Project.

Integrated Child Development Services Project

Centrally Sponsored Scheme (CSS) Tribal ICDS Project.

Serchhip R.D. Block.

1.Serchhip 7.Chhiahtlang 13.Hmuntha
2.Keitum 8.Sialhau 14.Thenzawl
3.Bungtlang 9.Vanchengte 15.Neihloh
4.Hmunzawl 10.Chhingchhip 16.Buangpui
5.Thinglian 11.Thentlang  
6.Hriangtlang 12.Khawbel  
     

Lunglei R.D.Block, Lunglei Dist.

17. Kanghmun S    

ESTABLISHMENT DESIGNATION NAME OF REGULAR EMPLOYEE SUBJECT INCHARGE CONTACT

Integrated
Child
Development
(ICDS) Project
Serchhip

Child Development
Project Officer
B.Lalhmangaihi Nodal Officer & overall Project administration. 9436360376
222380(O) 
Circle Officer(ICDS) Lalbiakliana Supervisory Works under Chhingchhip Circle. National Social Assistance Programme (NSAP) 9436376129
Circle Officer(ICDS) R.Vanlalhriata Supervisory works under Bungtlang Circle,Grant-in-Aids, Handicapped Welfare 8974741935
Circle Officer(ICDS) R.C.Vanlalawia Supervisory works under Thenzawl Circle, Insurance (LIC) of AWWs & Helpers. 9436387955
Circle Officer(ICDS) Rodinpuii Supervisory works under Chhiahtlang Circle, Reports and Returns. 8575568510
Circle Officer(ICDS) Lalliantluangi Supervisory works under Serchhip Circle, Supplementary Nutrition, Store-in-charge. 8974168682
Inspector of Statistics. Zathanga
 
Establishment, Compilation & collection of statistical data. 9862762179
L.D.C. Lalsangpuii Cash handling, Accounts matters. 9612811613
Integrated
Child
Development
(ICDS) Project
E.Lungdar
Child Development Project Officer Lalnunthari Nodal Officer & Overall Project Administration. 9436141145
03837-262367(O)
Inspector of statistics. Saingenga Sailo Reports and Returns. National Social Assistance Programme (NSAP) 9863127810
Circle Officer(ICDS) Lalnunziri Supervisory works under Biate & E.Lungdar Circles, Supplementary Nutrition & Store, 9856265484
Circle Officer(ICDS) Hmangaihsangzuala Hnamte Supervisory works under North Vanlaiphai Circle, K.S.Y.,KitchenGarden. 9862327261
U.D.C. Vanlalchhani Accounts matters, Cashier. 9862811986
L.D.C. K. Lalnuntluangi Establishments, AWWs & Helpers' LIC 9863421632

Ø  Complain Box pawh Office bathlarah dah a ni e.