1. Home
  2. PIGRM
  3. Departments
  4. Downloads
  5. FAQ

Welcome

Welcome to
Public Information
&
Grievance Redress Mechanism
Serchhip District

Serchhip Contact Directory

  1. Government Employees
  2. Village Council
  3. YMA

Departments in Serchhip

  1. Agriculture
  2. AH & Vety
  3. Co-Operation
  4. Deputy Commissioner
  5. Education
  6. Excise
  7. Fisheries
  8. Forest
  9. Health
  10. Horticulture
  11. I & PR
  12. LAD, UD&PA
  13. MCAB
  14. P & E
  15. PHE
  16. Police
  17. PWD
  18. RD
  19. Revenue
  20. SBI
  21. Sericulture
  22. Social Welfare
  23. Soil
  24. Supply
  25. Taxation
  26. Telecom (BSNL)
  27. Transport
  28. Treasury
  29. Village Council
  30. YMA

Quote from the Holy Bible

"A phute tan thatna ui suh, I kutah tih theihna a awm phawt si chuan. I thenawm hnenah, "Kal ta rih la, lo kal leh rawh, naktukah ka pe ang che," ti suh, I kawl reng si chuan.

Other Important Links

  1. Governor
  2. Chief Minister
  3. Election
  4. DIPR, Mizoram
  5. Legislative Assembly
  6. MBSE
  7. MPSC
  8. Mizoram NIC
  9. Mizoram University
  10. Tourism

Other Districts

  1. Aizawl
  2. Mamit
  3. Lunglei
  4. Champhai
  5. Lawngtlai
  6. Saiha
  7. Kolasib

THUHMA - P. Lalchhuanga, DC, Serchhip District, Mizoram.

Serchhip: 2nd July, 2012: Mipuiten awlsam zawka office an dawr theih nan leh sorkar hnathawh hrang hrang (schemes) te an hriatchian theih nan leh an lungawihlohnate, harsatna an neihte awlsam zawka chinfel theihna atana thil pawimawh tak “Serchhip District Public Information and Grievance Redress Mechanism” hman theih a peihfel a ni ta hi a lawmawm hle a.

Sorkarin mipuite leh sorkara mi pawimawhte inkungkaihna tha a awm zel nan leh mipui mimir ten sorkar mi pawimawhte awlsam taka an biak pawh zung zung theih nan District tinah Public Information and Grievance Redress Mechanism hi din theuh turin ruahmanna a siam a, hei hian sorkar hmalakna kawng hrang hrangah nasa takin a pui thei dawn a ni.

He Public Information and Grievance Redress Mechanism-ah hian Serchhip District chhunga sorkar Department hrang hrang ten an hnathawh dante, mipui an tanpui theih dan te, hriattur pawimawh leh harsatna an tawh sutkian zung zung nan Department-a thawktute mobile phone number leh complain box te tarlan a ni a. Mipui, a bikin thingtlang mirethei zawkte pawhin an thuthmun atangin awlsam takin an hriattur pawimawhte an hre thei tawh dawn a ni. Hei hian sum leh pai, tha leh zung tam takin a chhawk zangkhai phah ngei ka beisei a ni.

Amaherawhchu, a bul tanna chauh a nih avangin duhthusam a la ni lova, thawm that ngaite siam that lehzel tura ruahman a ni a, kumtin ennawn zel tur a ni ang. He PIGRM hi a lo changtlun zel nan ngaihtuahnate lo seng chhunzawm turin min hlutsaktute ka ngen nghal bawk che u a. Kan District chhunga Department leh VC zawng zawngte hnenah pek chhuah a ni ang a, VC ten an khaw mipuite hnenah a zau thei ang bera puangzar turin ka ngen nghal che u a ni.

A tawp berah chuan he booklet a puitlin theih nana tha leh zung sengtute zawng zawng leh Department hrang hrang hotute hnenah lawmthu ka sawi a. Hun lokal lehzel turah Serchhip District a thanduan zel nan lungrual tak leh thahnemngai taka thawk ho zel turin ka sawm nawn leh che u a ni.

KAMKEUNA

Serchhip District Public Information and Grievance Redress Mechanism

Sorkar hi mipui ta a ni a, a neitu an nih angin sorkar hmalakna leh hnathawhna hrang hrangte hi an hre chiang tur a ni. Mipuite hi sorkarah hian pawn lam mi an ni lova, a chunga innghat an ni hek lo. sorkar hi mipuite chunga innghat a ni zawk a, a hmalakna tibuaitu an ni lova, sorkar awm chhan zawk chu anmahni hi a ni. Mipuite tana tha taka hnathawh hi kan duhsakna a ni lova, hnathawh tur min pek avang hian vanneihna leh duhsakna sang tak kan chang zawk a ni tih hi sorkar hnathawkte hian kan hriata pawimawh hle. Mipuite pawhin sorkar hi a neitu nihna thinlung an put thar zel nan leh sorkar hnathawkte pawhin mipuite tan an thawk a ni tih an hriatchian lehzual nan “Serchhip District Public Information and Grievance Redress Mechanism (PIGRM)” hi duan chhuah a ni a, PIGRM-in a tum ber chu mipuite harsatna dawhthei taka ngaihthlak sak leh a rang thei ang bera sutkiansak hi a ni. Siam a nih chhan ang tak hian mipuite leh sorkar a hnathawk ten hman tangkai ngei tur a ni. General Administration Department, Govt. of Mizoram (vide No.A.19012/20/2009-GAD, dated 10th July, 2012) in a phal angin, kartin Nilaini (Wednesday) hi mipuite harsatna leh lungawilohna chinfel na bik hman tur a ni a, hemi ni hian meeting pawh neih loh tur a ni.

Sorkar Department hrang hrangte mipuiten kan dawr thin a, a bikin thingtlang mipuiten hmun hla tak atangin, tha leh zung tam tak sengin kan dawr thin. Chutih laiin office hnathawkte tul dang avang leh harsatna dang avangte in office a thutloh changte a awm thin a, hmun hla tak atanga kal thlawn mai te pawh a awm thin a ni. Hengte leh thildang hrang hrangah awlsam zawk a mipuiten tha leh zung, sum leh paite seng thlawn lova, office-a an tihtur an hlenchhuah theih ngei nan he booklet hi siam a ni. He booklet-ah hian Department hrang hrang ten an hmalakna, mipuite an tanpui theih dan, department inrelbawl dan leh thawktute phone number tarlan a ni.

Mi tupawhin office dawr duh a neih chuan, he PIGRM hmang hian a dawr turte department te kha a be hmasa anga, office a an thut leh thut lohte, an remchan hun leh ni te, In lam atanga document leh thildang pawimawh ken ngai te awlsam takin an hre zung zung thei dawn a ni. Hei hian sum leh pai, tha leh zung tam takah a chhawk zangkhai thei dawn a ni. PIGRM Booklet hi kan District chhunga Office tin te leh VC ten an kawl anga, mipuiten tangkai taka an hman theih nan mipuite hnenah an hrilh hria ang. Entirnan: Silai License renew duh chuan a tul ngai angte office kal thlawn loh nan in lam atangin thawktute phone number-ah hian a berawn thei anga, hei hian office dawr duhte an kal thlawn thin avanga harsatna a sukiang thei dawn a ni.