HRIATTIRNA - SAVA LEH RAMSA VEH CHUNGCHANG


Dated Serchhip, the 21st November, 2016: Serchhip Bawrhsap Dr. Lalrozama, IAS chuan a hnuai a mi ang hian, sava leh ramsa veh chungchanga mipuite hriattur thupek a tichhuak.

Tunlaiin Serchhip District chhungah Sava leh Ramsa te veh a, kah ching an awm tih hriat a ni a. The Indian Wildlife (Protection) Act, 1972 (amendment upto 1993) chapter III Sec. 9 chuan hetianga sava leh ramsa te veh a, tihhlum hi a khap tlat a ni.

Chuvangin Kei, Dr. Lalrozama, Deputy[dot]commissioner, Serchhip leh he danin a sawi Collector, Serchhip District ka nihna angin Serchhip District chhungah sava leh ramsa te veh a, tihhlum phal loh a ni tih kan in hriattir thar leh a ni. Thupek awih lo chu dan anga an chungah action lak a ni ang. Hemi kawngah hian khawtlang hruaitute leh tlawmngai pawl te thawhpuiah ka sawm e.

Source: DIPR, Serchhip