SERCHHIP DISTRICT-A INTHLAN CHUH TUM TE TAN NAKTUK ATANG NOMINATION A FILE THEIH DAWN


Serchhip 31st October, 2013: November ni 25 a Mizoram Legislative Assembly inthlan lo awm tur hriattirna chu Serchhip District a Assembly Constituency pathum a Returning Officer theuh ten naktuk hian anmahni huam chhung theuh ah an tichhuak dawn a, inthlanna chuh tum te tan naktuk November ni 1, 2013 atanga November ni 8, 2013 thleng public holiday tih loh eng ni ah pawh chawhma dar 11:00 leh chawhnu dar 3:00 inkarah DC office complex ah nomination a file theih ang. Nomination dilna form leh Nomination file tute tana hriattur pawimawh inkaihhruaina mizo tawng a siam chu Returning Officer te hnen atangin a thlawnin a lakchhuah theih ang a, Nomination file lai hi uluk takin video camera hmanga record vek anih dawn bakah venhimna tha tak hnuaiah kalpui a ni ang. Nomination file tute lo dawngsawng tur leh lo buaipui turin heng ahnuai ami te hi mawhphurhna pek an ni.

  Assembly Constituency Returning Officer (RO) Assistant Returning Officer (ARO)
Serchhip (26) Juhi Mukherjee, IAS Deputy Commissioner, Serchhip District Lawmkima, MCS, SDO (Sadar)Serchhip
Tuikum (27) F.J. Liantluanga, MCS Project Director, DRDA Serchhip District K. Lalhmuakliana, MCS, SDO (C)Thenzawl
Hrangturzo (28) Lalsangliana, MCS, Additional DC Serchhip District Ngulsangvela, MCS, SDO (C)North Vanlaiphai



Source: DIPR, Serchhip