SERCHHIP DISTRICT BAWRHSAPIN KHAPNA THUPEK A CHHUAH


Serchhip, 31st May, 2016 : Vawiin ni 31st May, 2016 hian Serchhip Bawrhsap Dr. Lalrozama, IAS chuan hetiang hian mipuite hnena hriat tur thupek a chhuah.

Serchhip District huam chhunga kan Bridge te hi an dawh kum/hun a rei tawh hle a, a hmanrua te a tuiek in a kim tawh lo pawh a awm thei a ni. Chuti chung chuan an rim hle a, motor lian full load a bik takin balu/rora/lung phurin a zawh nasa hle tih hriat a ni. Hemi avanga kan Bridge ten an chhiat phah chuan siam that leh mai a awl ai lovin mipuite tan harsatna tam tak a thlen theih avangin khapna thupek chhuah tulin ka hria a.

Chuvangin Kei, Dr. Lalrozama, IAS, District Magistrate, Serchhip District hian Sec. 144 of Code of Criminal Procedure 1973 in thuneihna min pek angin a hnuaia thupek hi ka chhuah e.

Heng a hnuaia tarlan Serchhip District chhunga kan Bridge te hi Motor lian 10 MT (100 Qntls) aia rit phurin zawh khap tlat a ni :-
1. Mat lui Bridge, Serchhip – Thenzawl road.
2. Tuichang lui Bridge, Keitum – Artahkawn road.

Tin, a chunga tarlan bridge bakah khian heng a hnuaia bridge te hi motor lian, 20 MT (200 Qntls) aia rit phurin a zawh khap tlat a ni.
1. Tuikum lui Bridge, Chhingchhip – Hmuntha road.
2. Tuikual lui Bridge, Chhingchhip – Thentlang road.

He thupek hian order chhuah atanga thla hnih chhung a huam ang.

He thupek zawm lo chu IPC Section 188 hnuaiah dan hmangin hrem theih an ni ang.

Source: DIPR, Serchhip