SERCHHIP DISTRICT BOOTH-LEVEL OFFICER TE TRAINING


Serchhip 31st March, 2015: Vawiin khan Serchhip DC Conference Hall-ah Electoral Roll dik leh felfai zawk neih dan tur leh Electoral Roll leh Adhaar inthlunzawm dan tur inzirtirna National Electoral Roll Purification & Authentication Programme (NERPAP) chungchang inzirtirna (Training) buatsaih a ni a, Serchhip leh Tuikum Assembly Constituency chhunga BLO te, ERO leh AERO te an tel kim hle a ni.

Training hi Pu Lalhmansanga, EO in a kaihruai a, Pu VL Remliana, Addl. DC leh District Election charge la mektu chuan telpuiin election-a thawktu zawng zawngte chu taima tak leh rinawm taka thawk turin a fuih a. NERPAP hi uluk tak leh dik taka kan thawh phawt chuan E-Roll rintlak tak leh felfai zawk kan nei thei dawn a ni a ti. Pu Lalnunfela Chawngthu, SDC, Master Trainer chuan training hi a pe a ni.

Vawiinah vek hian Hrangturzo Assembly Constituency huam chhunga BLO te tan NERPAP Training hi N. Vanlaiphaiah neih a ni a, he training hi Hrangturzo Assembly Constituency ERO leh AERO ten an pe a ni.

Source: DIPR, Serchhip