CEMENT MISTIRI TRAINING KHARNA HUN HMAN A NI


Dated Serchhip, the 30th November, 2016: Vawiin hian P & E Veng YMA Hall Serchhipah Central YMA , Labour Employment & Industrial Training leh Mizoram Building Construction Worker Welfare Board te tangkawpin an buatsaih, Cement Mistiri Training neih chu kharna hun neih niin, Pu Lalhmachhuana, Director, Labour Employment & Industrial Training chuan khuallian niin a hmanpui.

Khuallian Pu Lalhmachhuana, Director L E & I T chuan, tunlai khawvelah thiamna (Skill) neih a pawimawh tawh tak zet ani a ti. Sub Hqrs. YMA Serchhip hnuaia Group leh Branch hrang hranga Mizo tlangval Cement Mistiri Training chhuakte tuna an training hi Mistiri ni tura a khuh hawnna mai ala ni tiin, thiamna tak tak nei chho zel tura taimakna leh tih tak zetna nena tan la zel turin training chhuakte chu a chah. Khuallian hian cement Mistiri Training chhuak te hnenah an hnathawh chunzawmna atan Mistiri bungrua a sem nghal a ni.

Central YMA, L E & I T leh Mizoram Building Construction Worker Welfare Board te tangkawp buatsaih Cement Mistiri Training ah hian Serchhip Sub Hrqrs YMA Serchhip hnuaia Group pathum : Tuichangral ā€˜Sā€™ Group atangin mi 12, Tawi tlang Group atangin mi 6, Vantawng Group atangin mi 2 leh Sub Hqrs YMA Serchhip in a awp Branch YMA atangin mi 14 leh Serchhip Town chhunga Branch YMA hrang hrang atangin, an vaiin hian mi 100 in Cement Misitiri Training hi an nei ani.

Vawiin a Cement Misitiri Training kharna inkhawm hi Pu C Lalhminghlua, Chairman Education & Youth Affairs Committee, Sub Hqrs YMA Serchhip chuan a kaihhruai a ni.

Source: DIPR, Serchhip